Рахли Амет-Хан Сул­тIан арцурли гьа­валичив сай или ра­дио­лизибад бакьалри, не­мецунала летчикуни, «ЦIу­дара ил­бис» арцурли сай! «ЦIу­дара илбис» арцурли сай!» бикIули, гьаб­бул­хъу­тири, би­кIар. Ил бегI гьалав «таранничи» вякьунсири (душма самолетлизи балу-балули сунела чегахъни) 1942 ибил дусла майла 31-личив Ярославль шагьарла чедив. Илаб илини кабикахъибсири немецунала бомбаби дихан ва илди уряхI­дур­шан «Юнкерс—88». Сай, пара­шютличил тIя­хIухъи, мицIирли калунси...

Нуни чуйнара нушала бухънаби «Гьундури дирусилис халаси кери лебси саби» бикIули бакьира. Мар­лира, илдазибад дигахъуси саби жамигIятла, пачалихъла кабиз, илкьяйдали адамти-ургарти бархбасунира. ХIушани баладая жявхIелила Римла тарих. Или­ни ит манзилла лерилра улкни чула арилизи ду­циб­тири. Илдани гьарахъти мераначи чябхъинти дура­дуркIутири. Илкьяйдали Рим бегIлара давлачебси па­чалихъра сабри. Сен? СенкIун ил пачалихълизир гIяхI­ти гьундури лертири. Илди дирни...

Шимала хьунул адамтала БархIи ка­бизахъни — ши­ма­зиб хIер­би­рути хьунул адам­­­тала гIям­рула шуртIрачи пик­­­ри бяхI­чиаъ­ни­цун­ра ахIи, ил­дала бузерира, дурхI­нала че­лябкьла талихIчебси биахъес багьан­дан, да­­кIу­­дирути къайгъ­н­и кьиматла­дир­­нира са­би. Ахъушала шилизиб гьан­бур­шули, ГIя­риш­кIала Маримла у кали саби: бегIтази гъай­­рикIули, рурсби школализи башахъес, илди багьудичебтили халабаахъес къайгъилизирси. Илала рурсбанира — ГIябидатли ва Загьидатли — чучила гIяхIтицун гьанбикуни калахъун. ГIябидат...

Республикала МФЦ-базир да­хъал хъул­ра­чил­ти юртани тамай сагадирнила хIян­чи­­лис (капиталь­ный ремонт) харж­да­риб­ти арц чардарахъес им­кан­бикIули саби. Илди чар­дарахъес гIярза бел­кIес чебиркур. Па­чалихъла кунк­дешуначил пай­да­ла­би­кIути адамтани ремонт­лис арагIебси кьа­дар­лизир арц дед­лугути сари, кьан­­ниван илдала байхъу-хъяшси лу­гIи чарбиру. Илдигъунти арц касес бирар гIергъити адамтани: 70 дус биубти, хIебузути ва сабицун хIер­­бирути юрт­­ла бегIтани (50 процентла кьа­дар­лизиб); 80 дус...

Гьарил бархIиличил имцIали тамашавирахъулра ну Интернетли ва илабти адамтани. Сегъуна-дигара баян багьарбиэс бирули саби илаб. ХIера, гьанна нуни белчIунра вархкья Руслан Ражабовла макьала, сабира Интернетличил ва илаб бетаурси вайси анцIбукьличил бархбасунси. Ил макьалализиб бурили саби байхъу чIянкIути суратуни уршбачи дархьибти абдал рурсбачила, ва яхI-ламус агарти жагьил уршбачилара, чулира илди суратуни Интернетлизир тIинтIдарибти. Набра ил анцIбукьла...

Марлира, ишбархIила жагьилтас хIербиэс, дила пик­рили, дебали къиянни саби. Сен, сенахIенну ца шай­чирад гIямру кункдиахъес, гьамаддиахъес пикридарибти дахъал техникала гIягIниахълуми, компьютерти, телефонти лер. ИмцIатала гIямрулизир илдани хIянчилис ва белчIудилис имканти гьаргдирули сари. Амма илди хIязла шайчирцун пайдаладирутира камли ахIен. Илдала телефонтачи мусаллатдеш алкIули саби, ва илди агарли буэс бирули ахIен. Дахъал сари мисалти ил сабабли...

Советский Союзла замана Мя­хIяч­­­къа­лализибад нушала район­низи адамти бикули дашути кIел автобус дирутири: ца Кубачи, ца Ур­ка­ра­хъи. Бахъ къиянни биригу нушаб тах шагьарлизирад хъули чардухъес. Цаца­хIе­ли, кайэс мер агарли, абзур гьуни ав­то­бусличир тIашли кавлутири. Ил анцIбукь гьанбикалли, «Итди кIел диш­тIати автобусла чеди кIел гьатIи дашахъес хIебирутирив?» или бусягIятра ди­ла бекIлизиб суал алкIули саби. Гьайгьай­ра, бири, сенкIун...

Нуша децIдикIули дирехIе ну­ша-ургаб агартачила. Илди леб­тасалра якьинти хIя­лани сари: эгер чили-биалра нушала гIям­руличи асарбарили, кIинайс ха­ба­рагарли беткахъалли, нуша ил адамла анцI­кьилизи диркехIе, иличил дарх­дасунти хасти баркьудлумала хIекь­ли­зир шишимдикIехIе. Нушала бур­газиб ва уркIбазиб ил хасси адамла мер леб­си­личиб бацI­деш кавлан, ва нушала гIер­гъити гIямру гьан­би­куназир яра ил бацIдеш би­цIа­хъеси чи­чил-биалра къяйцI­лизир шал­гIер­дулхъан. Амма ил бацIдеш...

БикIули бирар, арцантала дебали бугаси хIерли ахъдешличирад ванзаличир кадиркути анцI­бу­кьуни чедиути сари или. Тамаша ахIену? АхIен. Заклизи арцес гьалар илдани тIа­би­­гIятла жагадешуназибад кьуват кай­су­ли саби. Илкьяйда бетарули саби адам­та­чил­ра. «Къуппа – анкъи дила ахIерси» бикIуси жузла автор ГIиса ГIямаровлира сай акIубси Къуппала ши, илала тарих, къуппакунтла дурхъати гIядатуни гьар шайчирад чедетаахъили, ункъли дяркъурти сари. Университет...

Гьаннала замана дубурланти сегъунти шуртIразиб хIер­бирули? Лер шими адам­та­ла хъулразир диэс хIяжатти шала, шин, газ лерли, шагьуртазиб кьяй­да къулайли кабиибтира, илди агарли хIер­бирутира. Мисаллис буралли, Сергокъалала районна УбяхI МулебкIила администрациялизиб хIербирути адамтала хъулразир я газ, я сагати школаби, я гьарра шайчирад далкьаахъурти ФАП-ани, я шимазиб хIербирути жагьилти дурала мер-мусаличиб къяйцIхIебикIахъули, хIянчиличил гIеббурцути, хIукуматла организацияби агара....