ХIукуматла баянти хIясибли, регионнизир гьар бархIи изайзи биркнила ­200-205 сагати анцIбукь хIисаблизи кайсули сари.

Дагъистанна хIу­ку­матли пик­рибарили саби рес­публикала медицинала учреж­дениебази цархIилти регионтазирад умуси гьава гьигьбирахъути гIягI­­­ниахъ­луми дихес. Иличила бел­гибиуб ДР-ла БекIла къул­лу­къуни заманалис дуза­хъу­сила бекI­деш­лиуб бетерхурси къа­ла­бати ма­съул­та­зиб бу­зуси штабла засе­да­ние­ли­чиб.
«Коронавирусла чейхъуси изайзи биркутала лугIи нушачиб имцIабикIни багьандан, умуси гьавара хIяжатбиркули саби. Лерилра-декIар медицинала учреждениеби илдигъунти аги-кьяйдаличи хIя­дурли хIе­диъни якьинбиуб. Ну­шани илди гIягI­ниахъулми дихе­хIе цархIилти регионта­зи­рад, сенахIенну нушала цIа­кьа­­начил бажардидиркули ахIенра», — буриб регионна БекI­ла къулулкъуни заманалис дуза­хъуси Сергей Меликовли.

ХIукуматла баянти хIя­сиб­ли, регионнизир гьар бар­хIи изайзи биркнила 200-205 сагати анцIбукь хIисаб­ли­зи кайсули сари, 450 адам больницабази кабиркьули саби (хургьрала изайчил ва коронавирусла чейхъуси изала лебнила васвасъайчил).
«Майла байхъайчир илди баянти 40-50 адамла кьадарличир кавлулри. Сабабти якьинни чедиур: вакцинацияла хIяракат хIярхIли бетурхни ва урехи хIе­бирахъути тяхIяр-кьяй­да хIедузахъни. ХIи­саб­би­ру­­ливан, прививка барахъили гIер­гъи, декI­ли зягIипбикибти агара, эгер илис гьалаб леб­си изала халхIебаралли», — викIи С.Ме­­ли­ков.
Республикала руководительла пикри хIясибли, прививкаби дарахъес дигутала лугIи бархIиличи-бархIи им­цIа­­бикIули саби. «Вакцина хIя­жат­си кьадарлизиб леб, сагати пунктани ибхьнили биалли, гьар бархIи 14 азир адамлис ил бирес им­кан­бикIули саби», — чеимцIабариб илини.
Буралли, Дагъистаннизиб цацабехIти адамтас вакцина барахъни чараагарси саби.
Республикализир гьанналис гьалар дузахъути къадагъалати тяхIяр-кьяйда даимдарили дирар, ил лугIилизиб – 65 дусличибра имцIали биубти хъулиб буахънира, вакцинаби дарахъибтала дурабад.
Иличил барх ДР-ла БекIла къуллукъуни заманалис дузахъусини коронавирусла чейхъуси изайчи къаршили вак­­цина барахънила къалпти сер­тификатуначил бархбасунси масъалаличилара гьан­би­­кахъиб. Илдигъунти анцI­бу­кьуни хIисабдиуб улкала ре­­гионтазир, ил лугIилизир — Дагъистаннизирра.
Регионнизир вакцина барахънила хIекьлизирти къал­п­ла сертификатуни дирцнила анцIбукьуни белгидиуб. Ил­ди аварализиб пужбариб Мя­хIячкъалала медицинала уч­реждениебазирад цализиб бузути тухтур-терапевт ва медсестра.
ДР-ла шайчирти духIнарти къуллукъунала министрла заместитель Дмитрий Гутыряни багьахъурливан, июльла 30-йчиб Дагъистанна шайчибси МВД-ла хIян­чи­зартани медицинала учреждениелизиб бузутани вакцина барахъниличила къяналати баянти арцлис делкIнила анцIбукь бел­гибариб.
МВД-ла баянти хIясибли, къалпла документ бедилри 6 адамлис. Уголовное дело ибхьнила хIекьлизиб масъала ирзули саби.
ДР-ла БекIла пресс-служба