Хъалибаргли­зив дурхIя акIал­­ли, бегI­та­­­ла талихIлис ахир хIе­би­рар. Бархьаначи буралли, ле­­бил­­ра гIялам халкь чула дурхI­на­ла челябкьла ба­гьандан са­­­­би хIербирути ва бузути. Неш-дудешли чу­ла виш­тIа­си­ халаваайчи алавла ду­нъя се хIяйчиб саби че­хIе­­биу­­­­­­сиван бирар, сена­хIен­ну илди илцадра чула виш­тIа­­­­­­силичила пикрибикIули ва илис къуллукъличиб би­рар.

Ил­кьяй­дали чула кьам даим­би­ру­­­ти ва чула юртлизиб та­лихI­ла­ шала хIебишахъес къай­­гъи­­­ли­зибти дурхIни хIей­га­хъу­ли­ чи ви­гахъуси адамлис. Да­ха­­­­­даевла район­на Ку­ба­чи­ла ши­­­­лизирадси Му­минат ХIя­сан­­­­­­хIусеновагъуна ве­та­ал­ли­кIун, бегIтала лебгIеб халаси та­­­­­­лихI саби. БегIтала халаси хIур­­­­­­матбируси, ил­да­ла пергер баркьудлуми даим­ди­руси, ил­­­дачи мешусили риэс иш­­тяхI­­­ли­­чилси сари ил. Ил­ди­гъун­т­и­ дурхIни биалли, бегI­та­ла­­ бамс­риагарси бузе­ри­ли­чи­­­­­ла­ бу­ру­ти ва хала бегI­та­ла гIя­­да­ту­на­ла бикь­ру­мили сар­­­­ти, да­хъал баянти диур чеал­­­кIу­­си нас­­лу­личи. Гьа­тIи­ра­ ди­геси са­би ил­да­ни чу­ла­ гIям­­ру­ли­зир ду­за­хъули ка­лун­ти ва дурхI­нас мяхI­камли ди­­хIябти ваяхI пай­да­ла­тили де­та­­ахъалли. Пай­да­ли­ти­ ахIену, гьа­­тIи, дахъал дус­мас гьа­лар ду­бур­лантала гIям­­ру­ла бе­туцла бикь­руми ну­ша­ла чеал­кIу­си нас­лу­лис че­да­ахъес им­кан­ти акIа­­­хъал­ли.
ХIера, илкьяйдали Муминат ХIясанхIусеновани сунела бегIтала юрт къулайси агиличи бушиб, ва илаб музей акIахъуб.
Сари халараибси ва илар сунела бегIтани гIямру дер­кIиб­си юрт ремонтбирес рехI­ри­хьибхIелири гIярбукIан чехьерис Этноюрт — музей абхьес ибси пикри бакIибсира.
Муминатла гъай хIясибли, юртла хъалч барсбариб ва хъулразибра ремот дураберкIиб. ИлхIели юртлизирти гьаларла ваяхI чедаибхIели М.ХIя­сан­хIу­сеновани пикрибариб илди музей баресцад лер или ва сунела гIяхIси кьас бетерхахъес иш­тяхIдухъун.
Дахъал сари ил юртлизир Муминатла хала бегIтани дузахъули калунти хъа ваяхI. Илди чедаибхIели Муминатлис сунела дурхIядеш ва жагьдеш гьандикиб, бегIтала диркьу-далтути хIулбала гьала лагдизуртиван бизур. Илдигъунти дубурлантала гIямрула бикьрумани сунела бегIтачи, Ку­бачила искусстволичи ва дагъистанлантала миллатла гIядатуначи Муминатла диги гьатIира имцIадикIули сари.
«Челябкьлализиб иша бахъал туристуни башахъес нуни шуртIри акIахъес пикри саби. Дила музейлизирти чула тамашала кьисмат лебти экспонатуни чедаахъес дигулра наб илкьяйдали туристуназира дила шилизибти жагьил наслула вакилтазира.
Музейлизи дила гъамтанира экспонатуни дихули сари. Илди­гъун­ти тамашала ваяхIли Кубачила шила культура ва тарих дяркъес имканти алкIахъа. Музейлизи бакIибтас нуни кIазлизи, тIал­хIя­наличи ва начурбачи кубачилантани някьиш лукIнила устадешла дурсри дура­дур­кIул­ра», — бурули сари М.ХIя­сан­хIу­сеновани.
Музейлизи башули саби гьанна туристуни, краеведуни, бучIанти.
ГьанбиркахъехIе, музей­ Ку­бачила буркьа шила къатI­ли­зиб­ саби. Ил бузули саби гьар бархIи савли сягIят гехI­ли­чи­бад­ли бар­хIехъ гехIел дикайчи. Ила букьес дигути ишгъуна телефон­на 89034991893 номерличи зянкъдяхъили, Муминатличил вягI­да­ла­биэс бирар.