Украинализиб бетурхуси хасси балбуцла бутIакьянчи Хайдакьла районна Мажалисла шилизивадси Абакар Дадашев Россияла гIярмияла чедибдешличи вирхули сай. Иличила буриб А.Дадашевли муниципалитетла пресс-службаличил бетерхурси ихтилатлизиб. «2022 ибил дусла февральла 24-личив ну СВО-лизир бутIакьяндеш дарахъес вархьибсири. Илис гьалаб, нуни вягIда хIясибли Волгоградлизиб 3 дусцадхIи къуллукъбирулри. Хасси балбуц бетурхуйхIив 3 баз кали гIергъи, бекIахъудила шуртIри багьандан, ну Волгоградлизи чарварира....

Нуша ванати хъулразир, сегъуналра урехи ва къияндеш чехIедиули, хIеркадирули лерай, нушала улкала бегIлара цIакьтигъунти ва урехиагартигъунти мурул адамти бусягIятла замана, дявилати къуллукъуни дурадуркIниличирли, нушала паргъатдеш душмайзи балтахъули, дугIла мицIираг кьяйдали, дугелира хIерелира авлахъличиб саби. Илдигъунтала къяяназивадси сай Хайдакьла районна Шурагъатла шилизивадси гъабза МяхIяммад ГIябдулкаримов. ГIябдулкаримовхъала кьамлизив дявила санигIят бузахъуси чилра агара виалра, нушала игитли сунела...

Дубурланти улкала хъархIерагардеш батахъес ва даршути гIямру диахъес багьандан, шанда баруван кабилзути саби. ХIяжатбикалли, илдани чула гIязизти жан буланра кьурбандиру. ИшбархIи ил анцIбукь марбирули саби Украинализиб бетурхуси Россияла дявила хасси балбуцлизир бутIакьяндеш дирути нушала цаванзалантани. ХIера, илдигъунтала лугIилизивадси сай Дагестанские Огни шагьарлизивадси Исрапил МяхIяммадовра. Сепайда, вебкIили гIергъи, ил Россияла Игитла уличи лайикьикиб. Северный флотла командир,...

Ванзализир дахъал лерти сари ахъси кьи­матла давлуми. Ил­дазирадли адамтани бел­ги­дарибтира камли ахIен. БегIлара дурхъати­гъун­та­зи­рад­ли сари мургьи, ал­маз, якьут ва цархIилтира. Ван­заличиб хIер­бирути адам­тира декIар-декIарти би­рар. Илдазибадли «якьут­уни» чула азир рангла нурличибли де­кIар­булхъути саби. Дигеси саби ил­дигъунти пергер адамти дарганти-ургабра лебни. Адаб-хIя­я­личил лерилра гIямру дур­кIу­ти гIяхI­гъубзназибадли Губ­да­нила шили­зи­вадси Па­па­ла­шов ГIябдулвагьаб ЯхIъяе­вич­ла ура бегI гьалаб гьан­бушес лайикьли...

Дагъистаннизир диули ахIен спортла майдунти. Дусличи-дус гьар бархIи спортлизи ихъути адамти бахъбикIули саби, амма илдас лайикьти шуртIри агара. Адамти физическая культурализи ихъахъес багьандан, хъа яра хIянчила мякьлар гIягIнити шуртIри акIахъес хIяжатли сари. БусягIятла замана республикала шагьуртала кьакьурбазир спортла майдунти тIашдалтули сари, парканазир биалли — дуцIбикIеси ва зярядка диреси мерани далкьарахъули сари. Илала дурабад, арбякьунси дуслизир...

Нушачир 13-дехI мезличил га­зе­таби, журналти, жузи ду­ра­дул­хъули сари. Халкь гъайбикIути лу­гъатуни пикридаралли, илди дейгIес хIейэсли дахъал сари. Дагъистанна халкьла дав­лачебси культура, гьарил миллатла, гьа­рил шила булан, цархIилтазирад де­кIар­дул­хъути гIядатуни, мезла дахъал лу­гъа­туни лер.Улкала лебилра халкьанала мезани цаван мягIничертили дагьахъурти, гIер­дурцути конституцияла хIукмурти Рос­сиялизир кьабулдарили сари, ва илди гIямрулизир детурхахъули сари. Гьалабван, «Дагестанская правда» газетала пресс-конференцияби...

Гьарил адам сунени чеббикIибси са­ни­гIят мурхьли бяр­къес ва ил цархIилтазира гIе­­­басахъес къайгъилизив виэс хIяжатси саби. Хаслира мугIял­­лимти чула дагьри ва ус­тадеш ахъдуцес, чеалкIуси наслу устадешличил багьуд­лу­мачи бегIбиахъес, илдас гIиб­ратчебси бяркъ бедес къайгънабиркьутили биэс че­биркур. Илкьяйдали мугIял­лимтала устадеш бел­ги­дир­нилис хасдарибти дал­ду­цуни ду­ра­дуркIнира ди­геси саби. ХIера, районна админист­рацияла заллизиб Дахадаевла районна бекI Мя­хIяммад ГIяб­дулкьадировли совещаниела дазурбазиб, лебил...

Дагъистан – дила ватIанцунра ахIен, дила бегIтала дунъя, сунезибра нуни хIерелира дугелира дубурлантала чебяхI­дешличила жагьилтас ва лайлала далуйти биш­тIатас цаладирхъуси, чузирра дила документуначилси очеркунала, хабуртала, романтала иги­ту­нала сипатуни гIячихъли гьа­ладирхьути. Гьарил миллатла тарихла кьисмат наб дебали дурхъали бирар, ва нуни халаси иштяхIличил ил рур­къули рирус, тарих ил­цад-декIар тамашала хIе­биалра. Наб саби адамти та­ма­­шабилзан, чула шила...

ИшбархIи дебали мягI­ничебсилизи хал­­бирули, жамигIят­ла вакилти гъа­за­­­лизиб саби лебил халкьанала куль­тура, рухI­лати давлумала, миллатла динна бе­туцуни гьаладяхI ардукес. Илди даршани дус­мадли нушала хала бегI­тани цаладяхъибти сари. Адамдешла лерилра че­рикIла къиликъунач­и биш­тIа­хIейчибадли дурхIни руркънила нас­лу­бачирадли наслубачи диути баркьудлуми бу­ся­гIятла манзиллизирра дурхIни руркъутала пик­рила дайлар диэс хIяжатти сари.Халкьла гIякьлу-дагьрила да­ража мурталра сархибдешу­ни дирахъули, ахъбикIуси ва гьалабяхI башуси...

Ну савли-жявли арилзусира, сагати хабуртачи лехIирхъус, илди дучIас, кофела бужас, гIяхIси гьавличир риэс кьасбирис. Амма ца кахси хабарли дебали уркIаира: Турциялизир савли 4 сягIятра 17 минутра дикибхIели, цIакьли мерсдакьниличила. Цазаманализир 5 шагьарлизир мерсдакьири. ИлхIели Турциялизиб хIербирути дила юлдашуни-дагъистанлантачи лукIес рехIрихьира. Игъбарлисван, илди цархIил шайчиб хIербирули буилри ва мерсдакьниличила багьурли ахIенри. Телефонтази дурхьути суратуни-видеоби чедиухIели, уркIи...