Ишди бурхIназир Дахадаевла районна мер-мусаличир ризкьила сабухъуни дурчнила ва мицIираглис дугени хIядурдирнила баркьуди жигарчебли бетурхули саби. ЗяхIматчибани, аргъ-бархIила къулайси манзил пайдалабарили, авлахъличир шила хозяйствола хIянчи демжахъурли сари. ДуцIрумла замана дирар дубурлантани арши иршути ва кьяркьти дугени хIядурдирути. ХIера, ялчнала гъайли ва машинабала тIамрани авлахъ чебсаргъахъили саби. Мура ва нег учидирхъули, ризкьили машинаби дирцIули зяхIматчиби сакIубли...
Край руркъуси ва миллатла литературала отделла учIуси заллизиб багьахънибала сягIят бетерхур, сабира Россияла писательтала Союзла член, даргала поэт Хадижат МяхIяммадовна ХIябибова 75 дус риънилис хасбарибси. Балбуцличир ДГУ-ла филологияла факультетла студентунани, ДР-ла писательтала Союзла даргала секцияла руководитель Муса БяхIяммадовли, Дагъиста халкьла поэт Аминат ГIябдулманаповани бутIакьяндеш дариб. Нуни «УркIи-рухIла урунжуни» бикIуси Х.ХIябибовала жузала выставка гьалабихьира. Хадижат ХIябибова...
Гьалабван Дахадаевла районна Кубачила шилизиб халкьани-ургабси печатная графикала «Кубачила кIялгIя» ибси IV-ибил биеннале бетерхур. «Акайла ккалгIя» бикIуси къараулбируси кIялгIялизиб дураберкIибси балбуцла замана чумал майдан гьаладихьиб: гьала-гьала Кубачила шилизиб, кIинайс МяхIячкъала шагьарлизибси Дагъиста художникунала Союзла выставкабала заллизиб. Халкьани-ургабси печатная графикала «Кубачила кIялгIя» ибси IV-ибил биеннале – выставка-конкурс саби. Ила гьаладихьиб декIар-декIарти печатьла техникала кумекличил далкьаахъурти графикала...
Библиотекарьла гьамадси хIянчи ахIен. Илав узусила халаси сабурра, белчIудиличи ва бучIес башутачи дигира диэс гIягIнити саби. Илдигъунти къиликъуначил Лавашала районна библиотекализир рузули лер МуртазагIялиева Аминат ГIябдусаламовна. АкIубси сари ил 1960 ибил дуслизир Лавашала районна Лавашала шилизир. Илини МяхIячкъалализиб чебяхIси даражала багьуди касиб. Аминат МуртазагIялиевани илкьяйдали «Горянка» школа-интернат таманбарибси сари. КIинайс Лавашала шилизибси библиотекарьла хIянчиличи карииб....
Районна экономикала отделла хIянчизартани, МВД-ла ва судла приставтала кабизли налогунала шайчибси чебла камбирахънила ва налогуни учидирхънила мурадличил ахтардлуми дурадуркIули, Дахадаевла районна шимазир чеблала бегIтазирад (налогоплательщик) чеблуми сайснила баркьуди дурабуркIули саби. Ахтардлуми дурадуркIухIели, чеблала бегIтази судебный приставтала кабизлизи бакIахъес багьандан, повесткаби дедлугули сари ва налогуни дедлугнила хIекьлизирти баянтачилти квитанцияби гьаладирхьули сари. Халаси пикри бяхIчииули саби чеблала...
Иш макьалализиб нушала шилизивадси урибси тямада, ва хIурматла мугIяллим Аскадин ГIялиевичличила белкIес дигулра. Аскадин ГIялиевич акIубси сай 1940 ибил дуслизив Ахъушала районна ХIямшимала шилизив, ГIялила ва Асиятла хъалибарглизив. Илала дудеш ГIяли 1942 ибил дуслизив ЧебяхIси ВатIа дергълизи арякьунсири. Хъули чархIевхъунси ва сегъунтилра сунечила баянти агарси ил къел-хIерзи агарли веткахъибтази халируси сай. Аскадин ГIялиевичла бегIти шагьарлизиб...
Дагъиста урхьула дублар хIурхъантала ванзурби лерти ахIенри. ХIурхъантала ванзурби лерилра дубуртачир мерладиубти сарри ва ил сабабли гIяхIси сабухъра лугули ахIенри. Ванзурби дузахъес техника аги. Граждан дергълизир гъабзадеш чедаахъни багьандан, республикала Реввоенсоветла хIукму хIясибли, хIурхъанти-партизантас дедибтири Мамайкъутанна ванзурби ва илкьяйдали ТавКъазакъла ванзурбира. Шила у Краснопартизанск -хIyнтIена партизантала хIурматлис бихьибси саби. 1923-1936-ибти дусмазиб, колхоз багьарбиайчи ванзурби чили-дигара дузахъутири ва илдани гIяхIси сабухъ лугусири. Бахъалгъунти хIурхъанти давлачеббиуб. Колхоз багьарбиубхIели, 1936 ибил дусличирад Мамайкъутанна ванзурби мурталра дузахъутири ва гIяхIцад анкIи-мухъила сабухъуни дурчутири. 1960-70-ибти дусмазир Мамайзир тIутIила унхъри удатуртири ва халаси сабухъ бучибсири. 1990-ибти дусмазир илди уркадяхъибтири. Дила шила чеу саби – Мамайкъутан, яра Мамай. Илгъуна чеу шилис гьалаб бедибсири. Шилизиб изала тIинтIбиубсири ва бахъал халкь алхунтири. Ил изай бахъал халкьлизи гаши чедаахъиб, илди инжитбариб. Шила халкьли ил мешубирулри «мамайличи, дила лугъатличи шурбаталли — «цIaxcи, кахвиэси, урухвиэси секIaл» ибси саби. ИмцIаливан ил уличил биштIати дурхIни урухбирутири. Чис гьанбиркив гьатIи, Мамайкъутан ибси у биштIати...
Дубуртар Улкализиб халаси спортлизи ахъибти жагьилтани гIяхIти хIясилти чедиахъни нушаб якьинни саби. Чула цIакьаначи бирхули, спортзаланазиб гьар бархIи ибкьли бузухIели сари илдани сархибдешуни дирахъутира. Спортла декIар-декIарти журабазир гIяхIти хIясилти чедиахъули, улкализибцунра ахIи, дунъяличибра нушала Дагъистан машгьурбарибти спортсментазивадли ца сай Сергокъалала районна Мурегала шилизивадси ХIяжимурад Тяймазовра. Илини бурни хIясибли, сай 13-личивад 17 дусличи бикайчи каратэлизи ахъибсири,...
ЧIанкурбела ши мерлабиубли саби дубуртазиб. Ил, кIел диштIати махьилизибад цалабикибси саби; I-ибил — Кьячкалык, 2-ибил — УбяхI ЧIанкурбе. Кьячкалык жяв замунтазиб бетаурси саби. Ил мерлабиубли саби Буйнакъск шагьарличибад 27 километрла гьарахъти мер-мусаличиб. Къумукъла мезличибад шурбатурхIели, илис гечбиубтала мер бикIули саби. Гьалаб илаб къумукъланти хIербирули калунтири. Жяв замана, дяви кабикили, гIямрулис урехи акIубхIели, илди лебилра Кьячкаликлизи гечбиубтири, шила у илкьяйдали бетаурси саби. Шила адамти бузери дигути ва гIяхIялдеш дирути саби. Илдани хIяйван-къача адилкьа, хъуми ва унхъри дузахъу. Жявти замунтазир зумали дирути чябхъинтазибад берцес багьандан, шила шанти вацIурбразиб, алав-гьалавти мер-мусаличиб минабирес бехIбихьиб. Ванзала бутIни дутIиб вацIа-хIярила ургар гьаргти мераначи. Илар детаур Къадарлантала бекIлидиубти далцути хъумала майдунти. Шантала иличила дурути дахъал буралаби, бакьалаби, хабурти лер. Илдазибад ца хIушабра гьалабирхьулра....
Дубуртазив акIубсини гIяхIил бала шурмала яра дубурла мер-мусаличир сегъунти вавни дерхъили дирарал. Гьарил мерличир декIар-декIарти вавни дирар дашутира. БерхIидяхIси шайчир дирар имцIали жагати вава-кьар. Иларти вава-кьар муралис чердикIес къайгъилизиб бирар дубурланти. СенахIенну, илдала сабухъчебдеш ва лугуси пайда халаси саби. Адамла дагьрилизирра илкьяйдали вава-кьарла майдунтира шурмира… дирутиван билзан. Илала гIякьлула ва дагьрила даражаличи мешути дирар илала...
