Ну мурталра халаси иштяхIличил ва дигиличил лехIирхъусири Дахадаевла районна Зилбачила шилизирадси СайхIят Каримовала далуйтачи, ил набзи рурулицун ралуси риалра. 2020-ибил дуслизир риалли, гъамли тянишриубра иличил, гьанна нуша-ургав агарси дила узила юбилейличир къаршидикибхIели. Дила узи Рабазан Маллаевич – «ЦахIнабси багьудила хIурматла хIянчизар», «Бузерила ветеран» — ил шилизив 1977 ибил дусличивад учительли узули калунсири. Юбилейла байрам школала...

Ишди бурхIназиб Ахъушала районна администрацияла актовый зализиб СВО-лизибад заманалис хъули бархьибти ХIяжимурад ва Шамил ГIябдурашидовхъалачил гьунибаъни бетерхур. Гьунибаънилизир бутIакьяндеш дариб Ахъушала районна администрацияла бекI МяхIяч ГIябдулкаримовли, илала заместительти МяхIяммад ИсмягIиловли, Шамил ХIяжигIялиевли, районна депутатунала Собраниела председатель СягIид ХIяжигIялиевли, военкоматла хIянчизартани, шимала бургани, учреждениебала, организациябала руководительтани ва жавабла хIянчизартани. Гьунибаъниличиб МяхIяч ГIябдулкаримовли СВО-ла бутIакьянчибас дедлугути арцличила,...

Дебали къиянси ва бархибси манзил саби гьанна нушала улкализиб, арагIебли — дунъяличибра. Мер-мерлар дахъал дургъби детурхули сари. ЦацадехIтачила нушани балулра, цархIилтачила — бекIлил бакьилира ахIенра. Лерилра илдазиб ца мешуси – адамтала жан къябиъни. Дила гьаман суалти алкIули дирар: «Сен адамти даршули ва разили хIербиэс хIебирутира? Сен мурталра цабехI халкьли цархIилтачи чябхъинти дурадуркIутира?» ЦабехIти гIялимтала хIялумцIлабани...

Сергокъалала районнизиб Чернобыльла АЭС-лизиб кабикибси бехIемцIла асурти агардирнилизир бутIакьяндеш дарибтас районна бекIла заместитель Баркакьади Мажидовли хъулрала сертификатуни дедлугнила балбуц бетерхур. Илди сертификатуни Дагъистан Республикала бузерила ва социальный бяхIчибизла Министерстволи декIардарибти сари. Хъулри иснила документуни касиб кIел хъалибаргли: ХIясбулла ГIябдулшариповли – Дегвала шилизивадси, «Маяк» ЧАЭС-личиб кабикибси бехIемцIла асурти агардарнилизир бутIакьяндеш дарибси; Зайнаб Амирхановани – Сергокъалала шилизирадси,...

Россияла Президентли багьахъурли кьяйда хъалибаргла Дус дурабуркIнила дазурбазир, Хайдакьла районна «Ореховая роща» бикIуси дурхIнас хасбарибси лагерьлизир гIяхIцад далдуцуни детерхур: «Хъалибаргла анкъила лами – мардешла ва талихIла лишан» бикIуси республикала фестиваль, «Хайдакьла гIядатуни» бикIуси Дагъиста халкьанала миллатла кIунбала байрам, «Хайдакьла устни» бикIуси выставка-ярмарка, «Наслубала мургьила тIуз» бикIути устадешла дурсри ва цархIилти. Далдуцунала лебилра бутIакьянчиби мубаракбариб Хайдакьла...

Июльла 8-личиб «Россия дила тарих» парклизиб Хъалибаргла бархIилис хасбарибси «Дила дунъя –  дила хъалибарг» бикIуси балбуц бетерхур. Балбуц, улкала «Президентла культурала сиптабала фондла» кумекличил дураберкIибсири. Балбуцлизиб бекIлибиубси мер буцилри Москвализивадси фотохудожник ва кинорежиссёр Родион ИсмягIиловла «Гьимирти» («Нити») бикIуси проектла дазурбазиб балкьаахъурси суратунала выставкали ва документальный кинофильмли. Дагъиста культурала тарихла бяхIяначи художникла хIулбачил хIербизес, выставка ва...

Лебтасалра ашкарливан, гIергъити дусмазиб дунъяличир дахъал дархибдешуни, гъузгъалдидеш имцIадиубли сари. Илдигъунти далдуцунала бекIлибиубси мурад – нушала улка усалбикахъни ва бехъни саби. Илдигъунти аги-кьяйдализиб лебилра улкала халкь цабиубли, уржили, ВатIа хъархIерагардеш бихIес чебсира саби. ЦархIил тяхIярли улка хъархIерагарсили ва азадсили калес бируси ахIен. Илис бикьридеш дирути дахъал анцIбукьуни лер нушала улкала тарихлизир. Наб дила макьалализиб бурес...

Хъалибаргла БархIила хIурматлис чучила белкIес лайикьти  адамтачила гъай бетаурхIели, Ахъушала районна бекIла заместитель Эльвира ХIясанхIусейновани ГIялимяхIяммад Гъапуровичла у гьанбушиб. ГIялимяхIяммад ГIялимяхIяммадов гьала-гьала районна газетала редакцияличи хIеруди бузахъанни, гIур – багьахънибала  управлениеличил редакция цалабяхъибхIели – управлениела начальникли узули калунсири. Нушаб, редакцияла хIянчизартас дебали хIейгибизурсири ГIялимяхIяммад нушачивад арякьунхIели. Редакторла къуллукъличи ну каратурсири 2003-ибил дуслизир. ГIялимяхIяммад районна администрациялизи...

Гьанна чина хIеризаллира, чина лехIизаллира нешла мез деткайхъниличила гъай сари. Школабазир вегIла мезла дурсрала сягIятуни камдикIули сари. БегIти чула биштIатачил урус мезли гъайбикIули саби. Гьаннала биштIатани нешла мезван ахIи, урусла ва англияла мез гIяхIил далули сари. Илди шимазибра цаличил ца урус мезли гъайбикIули саби. Нешла мез хъумхIертахъес, илди гIяхIли дяркъурли чеалкIуси наслуличи даахъес ибси пикриличил...

Ахъушала районнизир авэсил дус багьудила хIябал учреждениелизир дурхIнала дуцIрумла каникултала манзиллис, хIерила замана бамсриихъахъес хасдарибти лагерьти лер дузули. Илди абхьибти сари июнь базла бехIбихьудличир. Лагерьти Ургубамахьила урга даражала школализир, Усишала лицейлизир ва Усишала хIябъибил урга даражала школализир лер. ГIядатли бетаурли, гьарил бархIи лагерьлизибти дурхIнала савли зарядкаличибад бехIбирхьуси саби. ГIур бархIиахъайчи дурхIнани жура-журала хIязаназир, спортла абзаназир,...