Ахъушала районна кIел шилизирти бахъал дурхIнала дегIти хъалибаргунас пачалихъла шайзирад «Газель» машинаби дедиб. Илди сабри ЧебяхI МулебкIила шилизибси ГIисаев Ражаб Жамалутдиновичла ва Урхьучимахьила шилизибси ГIябдусамадов ГIябдусамад  ГIябдулмаликовичла хъалибаргуни. ЧебяхI МулебкIила шилизиб хIербирути Ражаб ГIисаевла ва Урзият ИмангIялиевала хъалибарглизиб урчIемал урши-рурси леб.  Илди дурхIни жагали абикьес багьандан,  даим бузерилизи ахъибтири. Ражаб ГIисаевли гьар журала хIянчи дирути...

Россияла Игит МяхIяммад НурбяхIяндовла уличилси Сергокъалала кIиибил школала хьулчиличиб районна бегIлара гIяхIти выпускникунас медальти дедлунила балбуц бетерхур. Медальти мургьилацун ахIенрину дедлугути, гIяхIцад дусмазир бегI гьалар выпускникунас арцла шабагъатунира дедиб. Сецад къияндешуни ахъес чебуркъуба челябкьлализиб студентунили бетарути жагьилтас? Илди медальтазир чедиули сари гьанкI хIехъибти дугурби, юлдашуначил къаршибикес бетрхIеурти гьунибаъниби ва халаси сабурла анцIбукьуни. Амма районна гъану...

ЦIедешла анхълизи ухIнавхъалли, гьарилли пикри бяхIчииули бирар иларти галгубала декIардешличи. ЦадехIла цIедешли дерхъибти кьялуби дялчули дирар, цархIилти камти цIедешра далдардухъи, кIарала вяшарла тIамраур лехIли дирар, хIябэсти, биалли, сегъунтилра цIедеш агарли, ванзалис дяхIцIи аурли ва цархIилти галгубас диргаладулхъули, тIашли дирар. Адамтира илди галгубачил цугбурцули рирус нуни. Творчестволизиб бузути адамти бирар берхъибси цIедешла галгаличи мешути. Амма поэтли...

ИшбархIила манзиллизиб дебали мягIничебсили бетарули саби халати жавабкардешличил, халкьличила, улкала челябкьлаличила пикриличил руководительли сунела бузери  дурабуркIни.  Нушани гьалабра бурибсири МухIела шила администрацияла бекI Ислам Муртазаевла къайгъначила. Шанти-ургав валгунси шила бекIличила сагали белкIес сабаб леб — илала къайгъни Дагъистан Республикали ахъли кьиматладарили диъни. Ислам Муртазаевла бузерила гьуни 2013 ибил дуслизиб «Ахъушала район» МО-ла администрацияла кьайгимдешла ва...

Ишди бурхIназир газетала марси гьалмагъ, хIурматла мугIяллим, даргала машгьурси писатель Ибрагьим Ибрагьимовла жузи дурадухъун. Буралли, ишхIели ил бегIлара сабухъчевли лукIути дарган писательтазивад ца сай. Иш яргализирра дурадухъунти илала жузи даргантани халаси разидешличил кьабулдирниличи бирхауди леб. Илдазибад ца саби «Урехила «ИрхIинзи»» бикIуси, сунезира повесть, хабурти, новеллаби, драмаби кадерхурси. КIиэсил – «Немой свидетель» (Ил урус мезличил дураибси...

ИмцIаливан ванзаличир кадиркути дявила анцIбукьуначила ва бургъантани дурадуркIути гьунартачила дирар нушаб къаршидиркути баянти. Морякунанира чедиахъути гъабзадешла бетуцуни камли хIедиалра. Нушала улкализиб дявила-урхьула флотла (ВМФ) БархIи мурталра мягIничебсилизи халбируси саби. Ил бархIи нушала улкали Россияла флотла тарихла черяхIти баркьудлумачила, морякунала гьунартачила СМИ-базир сецад-дигара баянти аргъес вирар. Нушала улкала дазуличир камли ахIенгу, морякунани гьар бархIи игитти баркьудлуми...

Ишди бурхIназиб «Ахъушала район» МО-ла администрацияла актовый заллизиб ишдус школа мургьила медальличил таманбарибти бучIанти шабагъатлабариб. Районна бухIнаб гIяхIти кьиматуначил школа хъараахъурли, имтихIянтас ахъти баллани касибти, мургьила медаль сархибти 24 дурхIя леб. Гьунибаънилизир бутIакьяндеш дариб «Ахъушала район» МО-ла администрацияла  бекIла къуллукъуни заманалис дузахъуси МяхIяммад ИсмягIиловли, багьудила управлениела начальник МяхIяммад КаримхIяжиевли, ил управлениела методкабинетла заведующая Наида ХIусейновани,...

Иш яргалис нушала практика 25 ибил июньничибад июльла 4-личи бикайчи Сергокъалала районна Дегвала шилизиб бетерхур. Практикаличи дукьес хIядурдикIули лерли, нуша аркьуси Сергокъалала районнизир ва лебилра Дагъистайзир хIейгести тIама-гьама ахъдиуб. Даршути халкь-ургар дай хIерила замана къяйк-къуйкла тIамри дакIудиуб, лерилра соцсетуназир, телевидениелизир, радиолизир дурути сагати хабурти вайнукьябани ватIа къуллукъчиби – полицияла хIянчизарти ва цархIилти даршути халкьла гIямру...

МяхIярам Мяммаев Ахъушала районна ГъулебкIила шилизив 1958 ибил дуслизив акIубси сай. Илини  1976 ибил дуслизиб Цугнила урга даражала школа таманбариб гIяхIти кьиматуначил, мурталра бутIакьяндеш дирутири химияла, биологияла, физикала олимпиадабазир ва гьаларти мерани сархутири. 1976 ибил дуслизив Дагъиста Пачалихъла мединститутлизи керхур ва 1982 ибил дуслизиб ил таманбариб, хирургияла шайчибси ординатурара белчIун. Чувашияла Республикализи узахъес вархьиб. Илаб...

Ахъушала районна культурала управлениелизиб бахъал пагьмучебти хIянчизарти бузули саби. Илдани гьаман районна ва республикала кьадрила далдуцуназир жигарла бутIакьяндеш дирули саби, пергерти делхъла ва далуйтала устнала пагьмурти чедиахъу, миллатла дуббатуни гьаладирхьули бирар. Илдани илкьяйдали Дагъиста шагьуртазиб, районтазиб, шимазиб бузути пагьмучебти, машгьурти адамтачилра бархбасуни дузахъули сари. Ахъушала районна культурала хIянчизарти Дагъиста бурибти машгьурти гIяртистуначил, поэтуначил, культурала министрличил...