Сергокъалала районнизиб Чернобыльла АЭС-лизиб кабикибси бехIемцIла асурти агардирнилизир бутIакьяндеш дарибтас районна бекIла заместитель Баркакьади Мажидовли хъулрала сертификатуни дедлугнила балбуц бетерхур.

Илди сертификатуни Дагъистан Республикала бузерила ва социальный бяхIчибизла Министерстволи декIардарибти сари. Хъулри иснила документуни касиб кIел хъалибаргли: ХIясбулла ГIябдулшариповли – Дегвала шилизивадси, «Маяк» ЧАЭС-личиб кабикибси бехIемцIла асурти агардарнилизир бутIакьяндеш дарибси; Зайнаб Амирхановани – Сергокъалала шилизирадси, баягъи хIяракатла бутIакьянчила хьунул.

«БахъхIи чучи хIерли кабиибти хъулрала сертицикатуни дедес наб кьадарбиъниличи разилира. Илдала кумекличил хIушаб яшавла шуртIри къулайдарес имканбикIниличи вирхулра. ХIуша, ил анцIбукьличил бархбасахъи, мубаракдирулрая ва арадеш булгулра», — викIи Б.Мажидов, сертификатуни дедлугули.

Сергокъалала районна багьахънибала центр