Ахъушала районнизир авэсил дус багьудила хIябал учреждениелизир дурхIнала дуцIрумла каникултала манзиллис, хIерила замана бамсриихъахъес хасдарибти лагерьти лер дузули. Илди абхьибти сари июнь базла бехIбихьудличир. Лагерьти Ургубамахьила урга даражала школализир, Усишала лицейлизир ва Усишала хIябъибил урга даражала школализир лер.

ГIядатли бетаурли, гьарил бархIи лагерьлизибти дурхIнала савли зарядкаличибад бехIбирхьуси саби.

ГIур бархIиахъайчи дурхIнани жура-журала хIязаназир, спортла абзаназир, конкурсуназир бутIакьяндеш дирули саби. Илдани иштяхIличил замана буркIули  саби.

ДурхIнас гIяхIти шуртIри лер. ИмцIаси замана илдани тIабигIятличиб буркIули бирар.

Каникултала манзиллизиб замана дугIли хIеберкIахъили, дурхIни лагерьтазиб биъни бегIтас халаси гIяхIдеш саби. ДурхIнани устадешчебти воспитательтала хIерудилиуб, чула бегIтачибад гьарахъхIебикили, пайдаличил бурхIни дуркIули сари.  ДурхIнани илаб чус сагати юлдашунира бургу.

Илди вайти анцIбукьунази хIебикахъес багьандан воспитательтани иргъахънила хIянчурби дурадуркIули сари.

ДурхIначил ГИБДД-ла хIянчизартира гьунибиули бирар, илдани дурхIнази гьундурачибад башухIели, мяхIкамдешличил бет-садбашахъес ихтилатуни диру.

ДурхIни лагерьтазиб бизиси хурегличилра балхули саби.

С.ГIябдуллаева