Районна экономикала отделла хIянчизартани, МВД-ла ва судла приставтала кабизли налогунала шайчибси чебла камбирахънила ва налогуни учидирхънила мурадличил ахтардлуми дурадуркIули, Дахадаевла районна шимазир чеблала бегIтазирад (налогоплательщик) чеблуми сайснила баркьуди дурабуркIули саби.

Ахтардлуми дурадуркIухIели, чеблала бегIтази судебный приставтала кабизлизи бакIахъес багьандан, повесткаби дедлугули сари ва налогуни дедлугнила хIекьлизирти баянтачилти квитанцияби гьаладирхьули сари. Халаси пикри бяхIчииули саби чеблала бегIтани налогуни дедлугнила хIекьлизирти аги-кьяйда иргъахънила хIянчиличи. Шимала бюджет чебирцIахъуси налогунала журализибадси саби мас-муклис бедлугуси налог. Заманаличиб налог бедлугни – районнизир дурадуркIути яшавлашалти бетуцунала шайчибси  программализибадси хьулчи саби. Илди арц пайдаладирути сари сагати гьундури дирнилис, шимазир къулайти шуртIри алкIахънилис ва цархIилти хIяжатунас.

Чеблала бегIтас чула чебла ахъес багьандан ишди гIергъити тяхIяр-кьяйда пайдаладарес хIяжатбиркур: www.gosuslugi.ru ибси пачалихъла гIяхIдешунала сайтла кумекличил; Россияла ФНС www.nalog.ru ибси официальный сайтлизибси «Личный кабинет налогоплательщика для физических лиц» ибси Интернет-сервис пайдалабарили; налогунала инспекциялизи дугьавизурли.

Дахадаевла районна администрацияла пресс-служба