Урцакила ши лебгIеб жагаси мерличиб саби. Дахадаевла районна шимазир дурадуркIути адамтала гIямру къулайдирахънила баркьудлуми гIерасили сари урцакантанира. Кьункьила шантани чула шилизир мурталра дурадуркIути къулайдешуни илданира тикрардарес кьасбарили саби. БегI гьалабси яргализиб илдани чула шилизи башуси гьуни къулайбарес пикрибариб. Гьундури къулайдирес ибси, шилизиб хIербирути халкьла пикри, дурала мер-мусаличи, Дагъиста дура бархли, гечбиубти урцакантанира гIеббуциб. Вайси даражаличирти...

Шарапутдин Ильясович Умаханов 1914 ибил дуслизив Лавашала районна ЦIудхъурла шилизив, хъубзарла хъалибарглизив акIубси сай. Илини урга даражала багьуди касибсири. 1953 ибил дуслизив Ш.И.Умаханов гIелакабухъунси «ЦIудхъурла» колхозла председательли викIибсири. Ил, варсхIейубли 25 дус колхозлизив узули калун. Илала бузерила сархибдешунани «ЦIудхъурла» колхоз бегIлара гьаркьятала къяянази дурабухъахъунсири. Ил узухIели колхозла экономика ахъси даражала бетаурсири, 1954 ибил дуслизиб 120290...

Даршуси закла удир дявила анцIбукьуни кадиркни инсаниятла гIямрулизиб лебгIеб вайси анцIбукь саби. Дунъяла халкь даршули хIербирули, сяхIбатуни-мукърази ахъили хьалли, дявила майдайчир гIязиз жан кьурбандирули, улхули саби жагьил жайрунти. МехIела мерлар хъажла бегIти западла улкнала вегIбекIунани нушала улкализира илдигъунти балагь-кьадар садаахъес халаси къайгъи дакIубарили саби. ВатIан гьанни алхунти гIяхIгъубзни Гьанбикунала унхъри гьаргдирнира дигеси анцIбукь саби. СенахIенну...

Ахъушала районна багьудила управлениела начальник МяхIяммад Рабазанович КаримхIяжиевличил белчIудила ва бяркъла хIянчила чебкад ихтилат дураберкIира.   – МяхIяммад Рабазанович, районнизиб белчIудила сагаси дусличи сегъуна хIядурдеш барира? – Районна багьудила организациябазиб дурабуркIуси хIянчилис хьулчили детаурли сари «Об образовании» ибси уличилси РФ-ла закон, «Федеральный государственный образовательный стандарт» бикIуси документ, илкьяйдали, РФ-ла Президентла хIукмуртира. Илди гIямрулизир детурхахънилизир дузули,...

Ахъушала районнизир, «Гьундурачибад бет-садбашнила бетуцлис урехи хIебирахънила далдуцуни дурадеркIни» бикIуси программала дазурбазир, кьакьурбазир шалми кадилзахънила хIянчи детурхули сари. Илди даршнили кьакьурби шаладирахъес, цIябси замана гьундури чедиахъес имканбикIахъу. Программа гIямрулизиб бетурхахъули, машинабала «Лаваша-Ахъуша-Уркарахъ-Мажалис-Мамедкъала» бикIуси гьунила бутIа къулайбирули саби. Лерилра дарх хIисаблизи касалли, шалмала даршлим шуцIанну гехIра тIал кадизахъес пикрибарили саби. «Ахъушала район» МО-ла багьахънибала политикала шайчибси...

Къаякентла районна Первомайскла шилизивадси нушала дагъистанлан Закаригаев Рашид МяхIяммадович, «Каспий» батальонна ургъан, ДР-ла БекIла ХIукму хIясибли «ДакIударибти гъабзадеш багьандан» бикIуси медальличил шабагъатлаварили сай. ДекIарухъунси ургъан шабагъатлаварни Луганскла шайчибси дявила гьалабси бетуцлизиб бетерхур. Илис шабагъатра Дагъиста БекI Сергей Меликовли бедиб. Рашид Закаригаевли 2024 ибил дусла июльличиб вягIда къулбасбариб, ва «Каспий» батальоннизиб къуллукъбирули сай. Дявила хасси балбуц...

ХIушанира балуливан, Украинала мер-мусаличиб нушала улкали дурабуркIуси дявила хасси балбуц таманбиубли ахIен. Россияла Президент Владимир Путинни бурибсири: «Гьанна дявила хасси балбуц бетурхуси замана нушала бургъантани, солдатунани ва офицертани, саби гIяхIъулали илизир бутIакьяндеш дарес арбякьунтани, илар адамдешла черяхIти къиликъуни дакIудирули сари, цали ца уцахъули, узби тяхIярли цабалги вяшбикIули. Илди даршути адамти берцахъес, нушала биштIатас ва илдала...

Савли-жявли арцантала декIар-декIарти макьамтаур муриси гьанкIлизирадли черсаргъиб дубурла муза-къада, ургуба, шурми, шими, дубурланти… СурсбукIла шира илхIейс багьла-багьлали зумаси дирихьли бархьбатур ва зярхIси гьава малхIямли иличибадли чедиберхур. Камси заманала бухIнаб шила гумайлизиб сурсбукIанти цалабиркескабииб ва ихтилатуни дехIдихьиб. Илкьяйдали ши мирхъила тIакьаван бучIескабиилри. Дагличи баайчи ил муриси гьанкIлизибсигъунари ва рах-магли адамтани яра мицIирагли илар жан лерни иргъахъули,...

Дагъистан сунела асилти уршбачилцун машгьурси ахIен, илала хIурмат-кьимат ахъти рурсбира лебти саби, чула бузерили ва баркьудлумани, саби-бегIти гIямрулизирцун ахIи, жамигIятла гIямрулизир, сагати секIал алкIахънилизир, культурализир гIячихъти, шалати къел датурти. Наб бурес дигулра Перзият Кьурбановна БяхIяндовачила, хIукуматла къуллукъла хIянчизарличила, гIяхIси нешличила, дигичерси хала нешличила, мурталра сунечи халкь дугьабилзуси, гьарли-марли шаласи адамличила. Илизиб сегъуна сабил караматдеш леб,...

Сентябрьла  26-личиб Хунзахла районнизи  аркьути гьундурачиб халаси сакIубдеш сабри. Илкьяйда хIебиэсра хIебири – ил бархIи районнизиб дурабуркIуси байрамличи жибарилри 19 районнизибадти  ва  республикализибадти гIяхIли. ГIяхIлас разили гьунибиулри районна организациябазиб бузути хIянчизарти, ва илди гьала-гьала чяйла бержахъес жибирулри. Шадлихъ бехIбирхьуси манзил МяхIячкъалализибад Дагъистан Республикала Правительствола Председатель ГIябдулмуслим ГIябдулмуслимов ва республикала жавабла хIянчизарти бакIиб. Илди-ургаб лебри бузерила...