Къаякентла районна Первомайскла шилизивадси нушала дагъистанлан Закаригаев Рашид МяхIяммадович, «Каспий» батальонна ургъан, ДР-ла БекIла ХIукму хIясибли «ДакIударибти гъабзадеш багьандан» бикIуси медальличил шабагъатлаварили сай.

ДекIарухъунси ургъан шабагъатлаварни Луганскла шайчибси дявила гьалабси бетуцлизиб бетерхур. Илис шабагъатра Дагъиста БекI Сергей Меликовли бедиб.

Рашид Закаригаевли 2024 ибил дусла июльличиб вягIда къулбасбариб, ва «Каспий» батальоннизиб къуллукъбирули сай. Дявила хасси балбуц бетурхуси мераначи вякьунси заманала ухIнав, ил гьарли-марси сунела ВатIан дигуси гъабза, чIумаси ургъан сайливан, декIарухъун. Иличивли сунес бекIдеш дируси командованиелира хIясибвариб.

Бурес чебиркур, Сергей Меликов ишди бурхIназив дявила хасси балбуц бетурхути мер-мусаличибти Дагъистайзибадти бутIакьянчибачи гьаввакIибсири.

Каспийскла дявила флотилияла ва саби гIяхIъулали бургъантала «Каспий» батальонна бургъантас Дагъиста БекIли мототехника, дронти, хасси тяхIярла (тепловизионный) лишан кайсути гIягIниахълуми ва дявилизир багаладирути цархIилти секIал пешкешдариб.

Дявила мер-мусаличиб декIарбухъунти бургъантас Дагъистан Республикала шайзирадти шабагъатунира дедиб.