Аркьуси дусла бегIлара гIергъиси бархIи савли телефоннизирад зянкъ дакIиб. «Мурад, цаибилгъуна, мубаракирулри Сагаси Дусличил ва, кIиибилгъунара, ишбархIи  хIед нуни ца савгъат бурхьисну, хIерли вии». Гьайгьайрагу, нуни тIама хIясибли вагьурра чи сайрил набчи зянкъикIуси: ил дила шан ва тухум Амирбекла ГIямар сайри. Ит бархIи бархIехълис ГIямарли наб дила виштIаси уршиличил  савгъатра бархьиб. Сагаси Дусла байрамлис наб...

Хайдакьла районна Мажалисла шилизибси «Кайтаги» этноцентрлизиб някьиш лукIуси «Этнодизайнер» бикIуси сагаси студияли сунела бузери бехIбихьиб.  Зубайдат ХIясановани бурили кьяйда, ишбархIилизиб миллатлашалси бетуц (этностиль) дебали машгьурли саби, хаслира жагьилти-ургаб. ДР-ла БекIла Грантла конкурсличир гьаладихьибти проектуназибад цаэсил мер касибси «Арт мастерская «Руки матери» проект гIямрулизиб бетурхахънила дазурбазиб, чIянкIи ва футболкаби хайдакьла някьишли лукIнила устадешла дарс сагаси студиялизиб...

Сергокъалала районнизиб бахъал бузерила зяхIматчиби леб.  Сунечи хъарси хIянчи чебетаахъили бируси, дуги-хIери хIеили узуси, хIялалси бузериличил халаси хъалибарг абикьурси, Бурдекила шилизивадси ГIябдулхIяпиз ГIябдусаламовличила саби наб иш макьалализиб бурес дигусира. 1970 ибил дуслизиб ГIябдулхIяпиз ГIябдусаламовли МяхIячкъалализибси Дагъиста политехнический техникум  таманбариб.  Ил дахъал дусмазив набтла буругъуназив узули калун. ГIябдулхIяпизли газла ва набтла буругъунала тIярхъибачи хIеруди бузахъуси устала...

Гьалабван Р.ХIямзатовла уличилси республикала Миллатла библиотекала край руркънила ва миллатла литературала отделлизибси адамти бучIахъес хасбарибси майдайчиб, Дагъиста культурала ва мезла БархIилис багъишлабарили, багьахънибачил тянишбирнила балбуц бетерхур. Миллатла хасдешуначил жагали балкьаахъурси майдайчир баягъи отделла хIянчизар Салимат ХIяжиевала сари-регIси, хъулибси музейлизирадти тамашала экспонатуни, бекIахъудилизир пайдаладирути ваяхI гьаладихьилри. Библиотекализи бакIибтани, Дагъиста пачалихъла университетла халкьани-ургабси багьудила факультетла ва Дагъиста...

Республикала дахъал шалубарси лицей-интернатла ва Темирхановла уличилси Мажалисла шила школала хIянчизар, кумекчи хасси балбуц бетурхуси мерличи чуйнара кумекличил рякьунси Гулизат Мурадханова сунела школала мугIяллимтачил гьунираиб ва илдачил рарх ВатIан дигахънилашалси ихтилат бучIантас дураберкIиб. КIинайс биалли,  маскировочный сетани (бургъантас хасси дигIяндеш алкIахъути) дирнила шайчибси устадешла дарс дураберкIиб. «Ишдусла майла 17-личирад рехIрихьибсира ну илди сетани дирес. ИшбархIилис...

Зильбачила шилизивадси Камил МяхIяммадов «Дагъиста халкьла игит» ибси ахъси хIурматла уличи лайикьикиб. Илис мургьила зубари бедиб. Дагъиста халкьла гьалар диахъубти игитдешла баркьудлуми багьандан саби илис илгъуна мягIничебси шабагъат бедибси. Бархьдешла гьуни буцили, гъабзадешличил гьалавяхI вашуси ил районна адамтасра бархкьябасра игитдешла мисалли ветаурли сай. МяхIяммадовхъала хъалибарглизивад ВатIа хъархIерагардеш датахъес кьасбарибси Камилцун ахIен. ИшбархIилизир илала кIел узинира...

КIишала школала мугIяллимтани ил школализиб  гIяхIцад дусмазиб бузули калунти, гьанна пенсияличиб хъули кабиибти чула бархкьябачи гьаббакIес пикрибариб. Илгъуна баркьудили пенсияличибти педагогуни разибарницунра ахIи, мугIяллимтала наслубала ургаб бархбас кабизахънилисра икьалабиру. Чумал мугIяллимлизибад цалабикибси кьукья чула бархкьябачи гIяхIладли гьаббакIиб. Педагогунала гьунибаъни гьарли-марси байрамличи шурбухъун: мугIяллимтани вавнала халуби пешкешдариб, иличибли пенсияличибти педагогуни разити хIяланани бицIахъиб. Педагогикала бузерила ветерантачилси...

ИшбархIи нушала улка мутIигIбакIахъес, жамигIят декIарбарес дигутани дявти-дугьби адилкьни чебиулра. Украинализиб бетурхуси Россияла дявила хасси балбуцлизиб, арагIебли улкала дурхIнани кьяйда, Дагъиста асилти уршбанира ВатIа хъархIерагардеш батахъес лерилра цIакьани дяхIчииули сари. Илдани гьар бархIи, чула жан хъябла дигьи, игитлати баркьудлуми дурадуркIули сари ва шанти, тухумти пахрули бирцIахъули саби. ВатIа хъархIерагардеш балтахъути гIяхIгъубзнала лугIилизивадси сай Сулайбан БяхIяммадовра....

Дагъиста культура нуша лебталалра цахIнабси давла саби, сунезира республикала миллатунала бегIлара гIяхIтигъунти гIядатуни духIнадуцибси. Миллатунала мезанани, культурала дяхIимцIала сарливан, алавчарси дунъя сипатбирницунра ахIи, халкьла гIякьлу-дагьрила бетуц, илдала хасиятуни, гIядатуни, адаб-хIяяла къиликъуни, дурхъадешуни сипатдирули сари. Ил багьандан, гьарил миллатли чула мез, культура, гIядатуни мяхIкамли дихIули, чеалкIути наслубачи диахъес хIяжатси саби. Дагъиста культурала ва мезанала БархIи, октябрьла...