Ахъушала районна ад­ми­нистрацияла  актовый зал­лизиб  СВО-ла бутIа­кьянчи Бутрила шилизи­вад­си ИсмягIилов ГIялихIяжи ХIя­са­­новичличил гьунибаъни бетер­хур. Балбуцлизир бутIакьяндеш дариб Ахъушала районна администрацияла бекIла заместительти МяхIяммад ИсмягIиловли, Шамил ХIяжигIялиевли, администрацияла хIянчизартани, шимала бургани, Сергокъалала ва Ахъушала районтала военкоматла хIянчизартани ва цархIилтира жавабла къуллукъличибтани. Гьунибаъни бузахъулри районна бекIла цаибил заместитель МяхIяммад ИсмягIиловли. – ГIялихIяжи ИсмягIилов Украинализиб дявила хасси балбуц...

Дубурланти кьуватчебти биъниличила жяв заманаличибадли якьинси саби. Илдани спортла абзаназир сархути чедибдешунани дунъяла адамти мурталра тамашабирахъути саби. ГIергъиси заманара илдигъунти хабуртани нушала уркIби пахрули дирцIахъули сари. Ишди бурхIназибра США-ла Солт‑Лейк‑Сити шагьарлизибадли илгъуна хабарли дахадаевланти ва дагъистанлантицунра ахIи, россиялантира бархли разибиахъуб. Дахадаевла районна Кьункьила шилизивадси ХIяжи Рабаданов PFL 5-ибси абзличив америкалан Элвин Эспинозачивадли чедивикили сай. Россияла...

БусягIятла замана поэзиялизиб устадешличил лукIути адамти нуша-ургаб камли саби. ЧедихIяртдешличил делкIунти назмуртира дучIес дархли иштяхIлати хIедирар. Амма, гIямрула ва бузерила къияндешуначи хIерхIеили, ишбархIира поэзия гьалабяхI башахъути леб. Илгъуна сари нушала пергер дарган хьунул адам, Дагъиста халкьла поэтесса ГIябдулманапова Аминат ГIябдулманаповнара. АкIубси сари ил 1946 ибил дуслизир Дахадаевла районна Хъярбукла шилизир. Илала неш жявли ребкIибсири. Дудешли...

Иш макьалализир Хайдакьла районнизибадти ХIусейхановхъала мугIяллимтала наслуличил хIуша тянишдирулра.  Халасигъуна узи ХIусейханов ХIусейн ХIусейновичли мугIяллимла бузери къиянси 1941 ибил дуслизиб бехIбихьибсири. Илини районна школалаизиб 40 дусличибра имцIали хIянчи барибсири. Ит манзилла къияндешуначи хIерхIеили, илини 11 дурхIя абикьур. Илдазибад хIяблира мугIяллимла санигIят чеббикIиб. МугIяллимтала 3-эсил наслу — ХI.ХIусейновла 5 дурхIяла дурхIя бетарули саби. ВиштIасигъуна узи МяхIяммад...

ГIялиев МяхIяммад Исламович акIубси сай Ахъушала шилизив, хIурматла хъалибарглизив. МяхIяммад учIули сай Ахъушала урга даражала цаибил школализив. Илини ишдус хIябъибил класс таманбарили сай. МяхIяммад серхурси, жигарчевси, спортличи дигичевси урши сай. Илала дудеш Исламли ва неш Замирани илис гIяхIси бяркъ бедлугули саби. МяхIяммадли мушулбашнила шайчир детурхути дахъал жура-журала районна, республикала кьадрила абзаназир бутIакьяндеш дирули вирар. Илини...

2024 ибил дуслизиб Дагъистан Республикала экономикала Министерство акIахъубхIейчирад 100 дус диркули сари. Иличил бархбасахъи, МяхIячкъалализиб хIядурбирули саби жуз, сунезира экономикала масъултазиб бузутачила белкIани ва суратуни кадяхъибси. Газетала бяхIлизибси суратра илди хIянчизартачила белкIра дирар ил жузлизир. Чучила гIяхIси гъай бурес ва белкIес лайикьти адамтира саби илди – чули бируси хIянчила сецад халаси кьадри лебсил аргъибти, жавабкардешличил...

Сергокъалала районна бекIлибиубсигъуна библиотекализиб Салима ГIисаевала пагьмуртала вечер дураберкIиб. Балбуцла гIяхIли сабри: поэтессала хъалибарг, гьалмагъуни, узи-урши ва лебилра поэзия диганти. Сунела гIямруличил дархдасунти аги-кьяйда, уркIила разидешла ва пашмандешла хIялани, гIямруличи, ВатIайчи, сунела хъалибаргличи диги кадерхахъурти Салима ГIисаевала гьарил назму — гьарли-марси тарих саби. Салима литературала пагьмулизи ахъибла халаси-декIар замана арбякьи ахIен, амма илала хIябал назмуртала...

2024 ибил дус хъалибаргла Дусли багьахъурли саби. Улкала Президент В.В.Путинни илгъуна ХIукму кьабулбарибси саби – хъалибаргла ихтиюрти далтахънила шайчибси пачалихъла политика гьалабяхI арбукес ва хъалибаргла гIядтлидиубти бекIахъудила дурхъадешуни мяхIкамдарес багьандан. ИшбархIила манзиллизир илди масъулти бекIлидиубтили детарули сари. Гьанна чеалкIуси наслула цацабехIти вакилтани хала бегIтани дузахъули калунти хъалибаргла дурхъадешунала кьадри беткайхъахъули саби. ГIядатуначил, культураличил ва цархIилти...

«Замана» газетали, даргала миллатла машгьурти адамтачила белкIани, илдала юбилейла дусмазир кадирхъни, гIяхIси гIядатли бетаахъурли саби. Ишдуслизиб сунела юбилей дурабуркIули сай РАН-ла ДНЦ-ла ИЯЛИ-ла искусствола тарихла отделла халалгъуна гIилмула хIянчизар (главный научный сотрудник) профессор Амирбег Жалилович МяхIяммадовли. Илала биографияла баянтачил тянишриубхIели, гIямрула камси манзилра баркьуди агарли хIеберкIибси, дебали кабизалачевси, закирад зубарти хъямхIедирули, илди сунела някъбазир алкIахъуси...

Июньна 23-личир Дагъистайзир вайнукьабани чумал кахти хIиллаби дурадеркIиб. ГIядлу-зегъа далтахъути органтани кабизахъурливан, дурала улкала ярагъличил бегIбиубти террористунала кьукьнани цазаманализир Сергокъалала районнизир, Дербентлизибси иудейлантала синагогализир, МяхIячкъалализибси христиантала киласализир палакатдешуни тIинтIдирес бехIбихьиб. Дагъистанлантани гьачамлис хъумартурли ахIен 20-ибил даршдусла ахирлизир ва 21 ибил даршдусла бехIбихьудлизир вайнукьабани дурадеркIибти хIиллабачила. Амма чис гьанбиркив, ишхIелира Дагъистайзир вайнукьаби-радикалистунала кьукьни «мицIирдиэс» дирар или....