Гьаларван Дахадаевла районна Хъярбукла шилизир дурадеркIибти выбортала баянти хIясибли, «Хъярбукла ши» ибси муниципалитетла цалабяхъла сагаси бекI викIили сай. Илкьяйдали депутатунала собраниела авъибил сессия бетерхурсири, ва ил мягIничебси масъала хIербарибсири.
Ишдусла ноябрьла 12-личир дурадеркIибти выбортачиб биэс хIяжатти 7 депутатли балбуцлизир бутIакьяндеш дариб. Выбортазир бутIакьяндеш дарес багьандан кIел кандидатли уми гьаладихьиб – ГIяхIмад ГIяхIмадовли ва Сергей ХIяжиевли. КIелра кандидатла мерличиб чули чус гьуни чебиахънила гIяхIси устадешра касибти сари, ва илди шантала гIямрулара яшавлара шуртIри къулайдарес кьаслизибти саби.
ТIамри дедили гIергъи баянбиуб ГIяхIмад ГIяхIмадов 5 депутатли гIевуцни. Сергей ХIяжиевлис биалли 2 депутатли сарри тIамри дедибти.
Дахадаевла районна администрацияла пресс-служба
