Даргала театрла сце­нала гьавкьяси ус­та, театрла ва ки­нола пагьмучевси гIяртист Нур­­бяхIянд Идрисов «ДР-ла уриб­си гIяртист»-ла уличи лай­икьикили сай. Июньна 12-личиб — Рос­сия­­ла БархIи Дагъиста БекI­ла къул­лукъуни заманалис дуза­хъуси Фёдор Щукинни рес­пуб­­ликала декIар-декIарти кьялу­базир сархибдешу­ни диахъубти хIянчизарти шабагъат­лабирнила балбуц дураберкIиб. Ил бархIи СВО-ла бутIакьянчибас, мугIяллимтас, тухтуртас, гIилмула ва культурала хIяракатчибас РФ-ла ва ДР-ла пачалихъунала шабагъатуни дедиб....

Ишдус сунела 85 дус риънила юбилей дурабуркIули саби Дагъиста халкьла гIяртистка ГIябдуллаева ПатIимат ГIябдуллаевнани. Ил акIубси сари 1941 ибил дуслизир Ахъушала районна Бутрила шилизир. ПатIимат ГIяб­дуллаева жявли цIу­ръариуб, Гъур­­букI­­лизиб биш­тIатас хас­­барибси Юрт­­лизир хала­раиб­­сири. Ил риш­­тIахIейчирад му­гIяллим ретаэс пик­ри­ри­кIусири, ам­ма гIямрула кьасани цархIилтили урдухъун. РиштIаси рурсила уркIилизир халкьла пагьмуличи, фольклорличи диги минадиуб, илини шила халкь сунела...

Бара гьалабван ГI.Ба­тирайла ули­чилси Даргала театр­ли­зиб Осетияла халкьла дра­ма­тург Тотраз Кокаевла пьеса хIясибли «Фатима» би­кIу­си драмала спектакль гьалабихьиб. БурахIелли, урус мезличибад дарган мезличи хабар шурбатурсири нушала рархкья Муъминат Хаттаевани. Илаб Фатима бикIуси дубурлан рурсила кьяркьси кьисматличила бурулри. Спектакльлизиб баркьуди дургъбала манзиллизиб кабиркули саби. Илар вайдеш ва гIяхIдеш, разидеш ва кьутIкьудеш, дергъ ва даршудеш цугдурцули сари....

ИшбархIи наб бурес дигулра спортлизи ахъиб­та­чила. ГIяхIсив дебали спорт дигахъни, вайсив? Спортли адамла арадеш дебабирахъулив яра усал­бир­кахъулив? Спорт дигахъуси адам сегъуна вируси? Гьанбушес дигахъаси МяхIячкъалала шагьарлизив хIерируси, спортлизи ахъибси адамличилара (ишаб илала у бурули ахIенра). Ца пулан мурул адам чумал дус спортлизив жигарчевли гьалавяхI вашули уили сай. Илини, спортли арадеш гIяхIбулхъахъуси, дебабирахъуси саби ибти пикрумачил...

1974 ибил дусла сен­тябрь­личир ну бегI гьалар Кубачила ур­га даражала школала 7-ибил клас­с­л­из­и ручIес рякьунсири. ИтхIели Ку­ба­чила урга даражала школа ле­билра республикализибра бегIлара гIяхI­ти школабази кабурхусири, ун­ра шимазир 8 класс тамандарили, ур­га даражала багьуди касес дигули, бел­чIуди даимбарес бакIибти, лебилра-де­кIар илаб бучIес бажардибиркути ахIен­ри. Наб биалли илар ручIес сел­ра­цад къиянхIебухъун, итхIели са­гаси секIал нуни гьамадли...

Гьалабван Ахъушала шилизибси культурала КIял­гIялизиб халкьани-ур­габ­си «Дубурланти» бикIуси фоль­к­лорла 24 ибил фестиваль хIясибли, «Ахъушала майдан» гьаргбиуб. Баягъи фестиваль мил­латунала культура ва гIядатуни мяхI­камдируси, цаладирхъуси балбуц саби. Культурала КIялгIялизиб ил фестивальличи халаси хIядурдеш лебри. Илала гьалабси майдайчир культурала управлениела шимазирти Юртанала, культурала Центртала ва библиотекабала хIянчизартани хIядурдарибти някъла хIянчурби, убла замана халкьли дузахъули калунти ваяхI, кIунбала...

Лавашала районна администра­ция­лизиб му­ни­ци­па­литетла бекI Мухтар Ха­лал­­мяхIяммадовла СВО-ла бу­тIа­кьянчиличил ва лебил Рос­­сияла «Нешанала цIакь» би­кIуси организацияла вакил Еле­на Николаевна Бон­да­рен­кочил гьунибаъни бе­терхур. Ил балбуцлис сабабли бетаур нушала ВатIан балтахъантала тилади. «Нешанала цIакь» бикIуси организациялизи 23 дус дявила къуллукъуни асилдешличил тамандируси, СВО-лизир ил бетурхути цаибти бурхIназирал бутIакьяндеш дируси ГIямар НурбяхIяндовла кумекличил 70-ибил полк дугьабизур. Бургъантас гьачамцун...

БегIтала дурхIяличи ди­ги умцес сегъунтилра умц­­лабачил хIейрар или гьанбиркули саби. Бара акIуб­ти диштIати жан илдас чула гIямруличирра ахIер­тили ка­дилзан. ВиштIаси кьяшмачи кайзурхIейчивад, халаваили, сунела хъалибаргра акIахъубхIелира, бегIти ил хIерудиличил ва дигиличил гIевуцес гIелумхIебилзан. Илис къияндикибси замана мурталра мякьлаб бирар. ГъайикIес бурсивиуб­хIей­чивад дурхIяли сунела бегI­тази лугIилашал дахъал суалти хьардиу. Дунъя багьес, ил бяркъес пикриличил, виш­тIасини бегIти...

Хайдакьла районна Жавгъатла ши­лизивадси Салавутдин ХIя­са­нов РФ-ла пачалихъла ша­ба­гъат­личил – Жуковла уличилси ме­даль­личи, илкьяйдали «Дявилизив де­кIа­ру­хъни багьандан» ме­дальличи лайи­кьи­киб. Дявила хасси балбуц бетурхути цаиб­ти бурхI­назирал илини Россияла Ярагъ­ла­дариб­­ти ЦIакьанала къяя­­назир дявила къул­лу­­къу­ни таман­дирутири. Жавгъатла шилизив акIубси С.ХIясановли, илабси урга даражала школа таманбарибхIели, 2006-ибил дуслизив экономикала ва правола институтлизи керхурсири, «финансы ва кредит» санигIят хIясибли багьудлуми...

Ишди бурхIназив Сергокъалала районна бекI Арсен Мя­хIям­мадов дявила хасси балбуцла бутIакьянчи Зугьум ГIи­саевличил къаршиикиб. ГьанбиркахъехIе, ад­ми­нист­­ра­циялизиб цар­хIил­ти бур­гъантас ванзурбала хIекь­лизирти сертификатуни дедлугнила балбуц дура­бур­кIухIели, Зугьум дявила хасси балбуц бетурхуси мер-мусаличив, СВО-лизив сайри. Илини дявила хъарбаркьуни, сунела гIямрулис урехи лебниличи хIерхIеили, тамандирулри. ХIера, гьанна хъули ча­ру­хъунхIели, Зугьум муниципа­ли­тетла бекIличил гьуниваиб. А.МяхIяммадовли илис ван­­зала участок касахъес сер­тификат...