Сергокъалала район­­на админист­ра­ция­­лизиб муни­ци­па­ли­тетла бекI Арсен Мя­хIям­­ма­­довла дявила хасси бал­буц­ла бутIакьянчи СягIид Му­саев­личил гьуни­баъни бе­терхур. Илала дазурбазир бургъан­ти гIеб­бурцн­ила ва дя­вила хъар­­­бар­кьуни та­ман­ди­рути под­раз­де­ле­ниебачил барх буз­ни­ла ма­съулти пик­ри­да­риб. СягIид Мусаевли районна бекIлизи командованияла ва дявила частьла личный составла шайзибад шабагъат бедиб. Донецкла ва Луганскла Халкьла Республикабала, илкьяйдали Украинала мер-мусаличиб дявила хасси балбуц дурабуркIнила аги-кьяйдализиб кумек...

Ну акIубси ши саби Сагаси ДейбукI. Ил дебали жагаси, дила уркIилис дигуси мер саби. Сагаси ДейбукI Къаякентла районнизи кабурхуси саби. ДейбукI ибси ши кIел девлизибад цалабикили саби, сарира «дев» ва «бекI». Илдазибад шила у бетаур. «Сагаси» ибси бутIара чебатур дубуртазибси ДейбукIла шилизибад адамти диркьаличи гечбиубли, сагаси ши бетаурхIели. Сагаси ши биъни багьандан, дила шилизир илцад-декIар...

Иш сурат касибси саби 1988 ибил дуслизиб, майла 1-личиб. Гьар дус майла 1-личиб улкализиб гьар-чинабалра кьяйдали, районна центрлизибра шимазибра хIебла, бузерила ва даршудешла байрам дурабуркIусири, бахъал адамтани бутIакьяндеш дируси, разиси шадлихъ бетарусири. Ахъушала шила дайлабси майдайчиб лебсири трибуна, сунечира байрамла бурхIназиб районна руководительти, чебетаили бузути хIянчизарти, школализиб «шула» кьиматуначил бучIути уршби-рурсби абицIутири. Иш суратлизиб хIушани...

Къиянси заманаличи хIерхIеили, баркьудилизи ахъибти ва кумекла някъ гьабалтути дарганти бархIиличи-бархIи имцIабикIули саби. Ил дебали уркIи разибиэси анцIбукь саби. СирхIянти жявхIейчибад ламуслис ва кумеклис някъ гьарзати адамти биъниличибли машгьурбиубти саби. Бахъал леб заманала башриличил барх, вачарла биаб, хъулри тIашдалтнила биаб, баркьуди гьалабяхI башахъули, фирмаби акIахъубли, гIялам ахъси даражала продукцияличил гIеббурцути ва гIяхIбаркьла баркьудилизи ахъибти сирхIянти....

Улкала жамигIятли лерилра чула цIа­кьа­ни ва пикруми дявила хасси балбуцличи дяхI­чиаили сари. Гьарил гъазализив сай нушала Чедибдешлизи бел­гиси пай ка­бихьес. Дагъиста Халкьла Собраниела де­путат, ДГУ-ла профессор Узлипат ХIя­са­новара ил шайчир жигарчерли рузули сари. Баягъи Узлипат ХIясановала бекI­дешлиуб гьанна чумал дус бузули саби бургъантас дебали гIягIнити чус «маскировочные сети» или ирути ваяхI дурайуси центр. Ил балкьаахъурли...

Чумал бархIи гьалаб дила узи СултIангIяхIмадли иб: «Сен хIушани дила юлдаш ХIяжи Рабазановличила хIелукIулрая. Илини СВО-ла бутIакьянчибас ва илдала хъалибаргунас халаси кумек бирулигу!» Гьанбикиб цагьачам Усишала шилизи дякьунси замана, — районна бекIла заместитель, районна хьунул адамтала Советла председатель Эльвира ХIя­сан­хIусейновас, социальный бяхI­чи­бизлизиб адамти гIеббурцуси управлениела хIянчизар Ба­рият ГIисаевас ва наб дебали гIяхIси, гьарил адамла ур­кIилис...

Ишди бурхIназиб ректоратла конференц-заллизиб ДГУ-ла ректор МуртазагIяли Рабадановличил бахъал журналистуни, бучIес ка­бер­хес хIядурбикIути дурхIнала бегIти, абитуриентуни гьуни­баиб. ГIядатли биубли гьарил дус дурабуркIуси пресс-конференция, ишдуслизибра ВУЗ-лизиб бучIес каберхес дигутала гIярзаби ва документуни кьабулдирни бехIбихьнилис хасбарибсири. ДГУ-ла багьуди бедлугнила шайчирси проректор А.ХIясанхIяжиевани лябкьуси белчIудила дусла лерилра сагадешуначил цалабикибти тянишбариб. Илдазирад мягIничертигъунти дила белкIлизир гьаладирхьул­ра: — 2026-2027-ибил белчIудила...

Жагьдеш — гьар адамла гIямрулизиб хасси манзил саби. Ил манзил гIямрулизир дахъал анцIбукьуни кадиркули сари. Жагьилтала сагати гьаргбаркьуни, пикруми-сиптаби ва хьулани дирар, илди дунъяличира бархли цархIил тяхIярли хIербикIар. Бурес вирар, жагьил наслу нушала халкь гьалабяхI башахъуси, саби-алав дунъя барсбируси наслу саби. Гьаннала заманала жагьил халкьли жамигIятла декIар-декIарти далдуцуначир жигарчерли бутIакьяндеш дирули сари, цацабехIтани биалли —...