Дагъиста халкьла тарихлизи хIеризалли, ил дубурлантала игитдешла ва узидешла гIибратунани бицIили саби. ИшбархIира, улкализир ибкьти аги-кьяйда кадизурси замана, нушани чебиулра Дагъистан гьарли-марти бургъантала ванза биъни, сабира бурибси гъайлис марти ва къияндешунас мутIигIхIебикIути. Ил багьандан ну­шала ре­спуб­ли­кализибад дура­бу­хъунти Иги­тунала лу­гIира халаси саби. Пача­лихъла ахъти шабагъатуначи лайикьбикибтала шайчиб улкала регионти-ургаб нушала республика гьалабси мерличиб саби. СВО бехIби­хьиб­ла...

Улкала хъар­хIе­ра­гар­деш ка­ла­хъес хIя­дурти багьа­дур­тала къяяни гьар бар­хIи чедирцIули сари. Ук­раинала мер-мусаличиб бе­турхуси дявила хасси бал­буц бехIбихьибхIейчибад ба­хъал дагъистанланти саби гIя­­­хIъулали ВатIайс къа­раул­барес арбякьи саби. Илди-ур­габ бахъал саби нушала дар­­гантира. Илдигъунтала къяя­­­­називадси сай иш дила ма­­кьа­­лала игит – ГIялибулат Кьурбанович Мя­­­­хIя­м­­ма­довра. ГIялибулат МяхIяммадов акIубси сай Дахадаевла районна Уркарахъла шилизив. 1993 ибил дуслизиб Уркарахълизибси гимназия таманбарили...

Ишди бурхIназиб нуни Сайгибат ГIябдулкаримовала «БерхIи гIелабяхI хихбиуб» бикIуси назмуртала жуз чебетаахъили белчIунра. Жуз урус мезли белкIунси саби. Жузлизи ЧебяхIси ВатIа дергъла игитуначила, дигайличила ва гьалмагъ­деш­личила, Хайдакьла районна жагати мер-мусаличила делкIунти назмурти кадерхахъурли сари. Бурес чебиркур, Сайгибат дарган мезли ва урус мезли лукIуси автор сари илира. БусягIят дила някълизибси жуз илала цаибси ахIен. Илала лерилра...

Хьунул адам – ил ЧевяхIси Аллагьли акIахъубти мах­лукьат­лизирад бегIлара жагаси ва хIурматчерси, мицIирси жан сари. Иличи хъали-цIала, анкъилабси ужагъла ванадеш бихIницун ахIенну, дахъал цархIилти чеблумира хъардиркули сари. Хьунул адам ибси девли хъалибаргла лебилра вакилтас жавабкардеш дихни, гIямрулизиб илди уркIичеббируси, гьав ахъбируси гьаликIли ва къияндикибхIели, умут­бихьеси хъарихъли ретаъни ибси мягIна бухI­набурцуси саби. Ил нешцун ахIенну, хъалибаргла...

ЖамигIятла ва политикала машгьурси хIяракатчи, меценат, «Тарихла-культурала рухIла давла» ДРОО-лис бекIдеш дируси БяхIяндова Перзият Кьурбановачил сари акIубси бархIилис гьалар къарширикес ва ихтилат дураберкIес имканбакIиб. Ил газета бучIантасра гьалабихьес дигулра. — Перзият Кьурбановна, гьалабван къулайбарили гIергъи, дявила асилдешла музей шадлихъла аги-кьяйдализиб абхьибсири. Ил акIахънила тарихличила гьанбикахъесра замана баили саби. Ил абхьнилис сиптакарти комсомольцыби саби или лукIули...

Ахъушала шилизиб хIербирути ГIялиев МяхIяммад МяхIяммадович ва ГIялиева Хадижат МяхIяммадовна бахъал халкьли балути саби. Балгунти, цалис цали мардеш дихIули, хIялалли, халкьла хIурмат сархибти МяхIяммад ва Хадижат хъайчикабиибхIейчирад 54 дус дикили сари. Илдани гехIел урши-рурси абикьур, гIяхIси бяркъра бедили, багьудира касахъили, бузерила кьиматбирахъес бурсибарили, гIямрула гьунчи дураиб, гьанна илдачибад акIубтира леб 25 дурхIя. МяхIяммад МяхIяммадовичли 25...

Ахъушала урга даражала С.М.Кировла уличилси цаибил школализиб бахъал пагьмучебти, гIяхIти кьиматуначил бучIути, олимпиадабазир ва конкурсуназир бутIакьяндеш дирути бучIанти леб. Илдазирад ца сари 10-ибил «б» класслизир ручIуси МяхIяммадова ПатIимат МяхIяммадовна. ПатIиматли школала гIямрулизир жигарла бутIакьяндеш дирули рирар: районна духIнар детурхути конкурсуназир, олимпиадабазир бутIакьяндеш дирули, гьаларти мерани кайсули сари. Ишди бурхIназиб Ахъушала культурала КIялгIялизиб бетерхурси «Успех» бикIуси...

Зугьумовхъала  Ахъушала шилизиб машгьурси хъалибарг саби, чулира халкь-ургаб халаси хIурмат сархибси. Тухтур Зугьум Зугьумов акIубси сай 1942 ибил дуслизив Ахъушала шилизив хIурматла, хъалибарглизив. Ахъушала урга даражала школа таманбарили гIергъи, З.Зугьумов керхурсири Дагъиста медицинала институтлизи. 1966 ибил дуслизиб гIяхIти кьиматуначил институт таманбарили, Ахъушала районна бекIлибиубсигъуна больницализиб бузерила гьуни бехIбихьиб. З.Зугьумов ил больницализив жура-журала къуллукъуначив узули калун: бекI тухтурли, бекI тухтурла замести­тельли, «МАКС» АО бикIуси ме­ди­ци­нала страхованиела Фондла филиалла мерличибси отделениела­ начальникли. Сунени касибси санигIятличи валикибси, малхIямси, духуси, масхара балуси, сунечил барх бузутачил цавалгунси, дигичевси, хIянчизартала ургаб хIурмат сархибси, зягIиптачи уркIецIичевси Зугьум Зугьумов гIяхIси...