Ишди бурхIназиб лебил Россияла жамигIятла «Народный фронт «За Россию» ибси хIяракатла шайзирадли сабухъчебли бузути журналистунас шабагъатуни дедиб. Дигеси саби «Дагестанская правда» газетала хIянчизар, Хайдакьла районнизирадси Хасайбат Меджидовара иличи лайикьрикни. Дагъистан Республикализибси ОНФ-ла регионна штабла Сопредседатель, Дагъистанна пачалихъла аграрный университетла ректор Жамбулатов Зайдин МяхIяммадовичли илис Баркаллала кагъар бедиб. Россияла журналистуни-ургаб дураберкIибси «Правда и справедливость» ибси конкурсличиб...

Гьаваличиб хамси чIакаван, даргантала авидлизиб «Дерхъаб» ибси девра гьайбатли урцуси саби ва илини гIяхIгъубзнала гьав ахъбурцуси саби. Ил «Дерхъаб» ибси дев «Замана» газетала къугъаси къушумли уркIила бегIлара гIяхIти ва черикIла пикрумази варакьбарили, ахъли зайбулхъахъехIе, Дагъистанна тарихлизив ишбархIи савлила шалдаван ухуси багьадур МуртазагIяли Хулаттаевичла хIурматлис! Дубурланна юртлизив урши акIубхIели бирар ил дев бегIлара ахъли зайбулхъуси. Уршили...

Гьалабван Дагъис­тан­низиб ДР-ла БекI Сергей Ме­ликовла бекIдешлиуб респуб­ликала мер-мусаличиб коро­на­вирусла чейхъуси изала тIинтI­хIебикIахъести тяхIурти дал­­дурц­нила масъалала чеб­кад совещание дура­беркIиб. Илала бузерилизир бутIа­кьяндеш дариб регионна хIу­куматла органтала бургани ва Дагъистанна муфтий, шайх ГIяхI­мад-ХIяжи ГIябдуллаевли. Ко­ро­навирусла чейхъуси изай­чил дарх­дасунти, улка­лизирти аги-кьяйда ва гIер­гъиси жу­мягIла бухIнаб зягIип­тала кьа­дар им­цIабиъни хIекь­лизиб ма­съала пик­ри­ба­риб. Республикала БекIли бури­ливан, Дагъистаннизиб хъярхъли изала...

Ил штаммличил регионна мер-мусаличив зягIипик­ни­ла бегI гьалаб лабораториялизиб марбарибси анцIбукь белгибариб Дагъистанна тухтуртани. Гьалабван Рос­сия­ла Пре­зи­дент Влади­мир Пу­тин­ни, «Омикрон» штам­м­личил барх­басахъи, COVID-19 изала тIинт­IбикIес асубир­ниличила бу­рили, улкала больницабала кабиз ва промышленность хIя­дур­диахъес гIягIнили биъ­ни­личила, илкьяйдали вак­цинаби дирнила хIяракат жи­гар­чеббарес хIяжатдеш алкI­ниличила багьахъур. Вирусла сагаси штаммли («Омикрон») дунъя бурцули саби. Белгиси штаммличил регионна мер-мусаличив зягIипик­ни­ла бегI...

Районна администрацияличил ва шимала бургачил балгахъунси график хIясибли, Ахъушала ЦРБ-ла тухтурти, коронавирусла чейхъуси изайчи къаршити вакцинаби дарес, адамти хIербирути муниципалитетлизирти лерилра мераначи аркьути саби. Январьла 17-личиб мерличирси терапевт Марзият Кьутиевани, медсестраби ПатIимат МяхIяммадовани ва Нажибат ГIямаровани Шукьтила шилизиб хIербирути адамтачил хIянчи бариб. Шила бекI ГIяхIмад ГIисакьовли бурни хIясибли, цаэсил вакцина барахъибти адамтала лугIи 58-личи абикилри.

Россия бегI гьалаб жигарчебли вак­цинацияла хIяракат дехI­ди­хьибти улкназибад цаибсили бетаур. Ва «Спутник V» вакцинали аги-кьяйдализиб урехи агни ва сунела асар­чеб­деш чедаахъиб. ГIе, тухтуртани бу­ру­ливан, илини 100 процентлизиб ко­ро­на­ви­руслизибад мяхIкамдеш би­рули ахIен. Амма, адам зягIипикили хьал­ли, изала кункли чебарбукьяхъес им­кан­бикIур. Коронавирусла сагаси «Омикрон» бикIуси штаммлис къаршидеш дирнила шайчиб «Спутник V» вакцинала асарчебдеш 75 процентличи абиркули саби...

Жяв замунтазир пай­­дала­ди­рути Бер­­хIила, Шин­на, Гъум­­­­­ла сягIятуни, халкьла, ван­за бу­­за­хъ­нила, мицIираг адилкь­нила ка­лендарьти архео­ло­гу­на­ни, этног­ра­фу­нани, аст­ро­­ном­­тани ва тарихчибани дяр­къур­ти сари. Буся­гIят­ла ман­зил ба­хъал­гъунти гIялим­та­ни Бер­хIи­ла ва Базла ка­лен­­дарьтала ­мягI­­­ничеб­деш­ли­чи­ла­ ир­гъули са­би. Гьаларла ва гьан­на­ла за­мун­­тала сягIя­ту­на­ла ур­­габ­си де­кIардеш илди дал­кьа­ахъ­­нила тя­хIяр-кьяй­дализиб са­би. Баягъи илди календарьта­ла кумекличил жяв зама­на­ла халкьли, гIела-гьала хIе­­­ди­ка­хъи­ли, шила хозяйст­во­ла хIян­чи ва...

Хайдакьла дахъал шалубарси тарих анцIбукьуначилра дав­лачебси саби, илабси тIаби­гIятра давлачебси саби, амма, бегIлара халаси илала давла адамти саби. Гьарил халкьла хъумхIертести уми лер, чулира ахIерси ванзала тарихлизир мурхьти къел датурти. ИшбархIира леб пергер адамти, сахаватси уркIила бегIти. Баягъи илдани саби нушала ванза машгьурбирути.Советский Союзла Игит СултIан Кьадирбегович ГIялисултIановла у кьалли даршдусмазибра адамтала уркIбазиб кавлан. ЧебяхIси...

Пергер дубурлан хьунул адам Сарат­ли­чила, илала адам­деш­личила, сунезибадли ляб­кьусигъуна барили ку­мек­ба­рес мурталра хIядурли рир­ни­личила гIяхIти гъай нуни чуй­нара аргъибтири. Иличил къар­шиикес, адамтани дурути гъай дархьти сарил якьинбарес, хьу­ликIули вахъхIи калунра. Ахир­ра наб илгъуна имкан­ба­кIиб. Арадеш къулайбарес, гьаман улкала мер-мусаличирти санаторийтази вашуси наб, «Талги» бикIуси санаторийлизи укьес кьадарбиуб. Илав адамтала уркIбази карерхурси тухтурличил тянишиубра. Избербаш шагьарлизиб...

ХIебли ва вава-кьар­ли ванза жа­габируси биал­ли, гIякьлу мурхьти, багьуд­лу­мачилти адамтани дунъя жа­­га­бируси саби. Кабиз­ли­­зир­ра уржибси, жага­деш­ли­зирра чисалра гIела­хIе­рул­хъуси, гIилмулизи мурхь­­­рикибси ДГПУ-ла фило­ло­гияла мезанала кафед­ра­ла заведующая, доцент, фило­логияла гIилмуртала кан­ди­дат ХIябибуллаева Па­тIи­мат Мя­хIям­мадовнани набзи ил­ди­гъунти пикруми хьура­ди­ахъуб. Илини нура набчил варх Сириялизи­вад гIяхIладли вакIибси писатель, тилмаж Ибрагьим Истанбулира ДГПУ-ла филологияла студентуначил гьунибаъни дураберкIахъес жида­рира. Балбуцличир фило­логияла...