Жяв замунтазир пай­­дала­ди­рути Бер­­хIила, Шин­на, Гъум­­­­­ла сягIятуни, халкьла, ван­за бу­­за­хъ­нила, мицIираг адилкь­нила ка­лендарьти архео­ло­гу­на­ни, этног­ра­фу­нани, аст­ро­­ном­­тани ва тарихчибани дяр­къур­ти сари. Буся­гIят­ла ман­зил ба­хъал­гъунти гIялим­та­ни Бер­хIи­ла ва Базла ка­лен­­дарьтала ­мягI­­­ничеб­деш­ли­чи­ла­ ир­гъули са­би. Гьаларла ва гьан­на­ла за­мун­­тала сягIя­ту­на­ла ур­­габ­си де­кIардеш илди дал­кьа­ахъ­­нила тя­хIяр-кьяй­дализиб са­би.

Баягъи илди календарьта­ла кумекличил жяв зама­на­ла халкьли, гIела-гьала хIе­­­ди­ка­хъи­ли, шила хозяйст­во­ла хIян­чи ва байрумти дура­дур­­кIу­ти­ри. Тарихла баянти хIя­сиб­ли, жяв­хIелла манзиллизир Бацра Бер­­хIи­ра Аллагьлизи халдирутири ва илдас халкь булгутири.
Геолого-минералогический гIил­­­мур­та­ла доктор М.Ис­ра­пи­ловли сунела «Наскальные рисунки Дагестана и изменения по­люсов и наклона оси Земли в голоцене» жузлизиб бурули сай: «Гьайгьайрагу, гIилмулис бегI­­­лара мягI­­ничебсили бетарули саби, азиртадли дусми ар­дякьи хьалли, жявхIелила ка­­лен­дарьти ва сягIятуни гьанна­ра дузни».
Бацлара БерхIилара ка­лен­дарьти-ся­гIятуни дяркъурли, М.Исрапиловли халаси гIил­му­лашалси хIянчи ду­ра­беркIиб ва Дагъистанна Бер­хIила сягIят 14 азир дус, календарь биалли – 60 азир дус диъни кабизахъур. Гьачамлис дунъяличир машгьурти ся­гIятуни-календарьти-ургар ил­ди бегIлара «духънатили» кав­лули сари.
Лавашала районна Къуппала шилизибси Талку дубурличиб ГIялибек ХIям­зае­вич­ли баргибси къаркъала жяв заманала сягIят-календарь М.Ис­ра­пиловли бяркъурли гIергъи, 13-14 азир дус биъни кабиза­хъур.
Талку дубура сунела бакьалабачил, бу­ра­лабачил, дяр­­гIибти шараб шинна гIин­зур­бачибли машгьурси саби. Бурни хIя­сибли, гьалаб дубурличиб грузинти хIербирути буилри. Дубураличир даргибти секIулти, сарира «Къуппала край руркънила, археологияла ва палеонтологияла музей» МКУК-лизир мяхIкамли дихIути, нушала манзиллис 6 даршдус гьалар диъни кадизахъур. Талку дубураличир даргибти культурала секIулти хIясибли, илаб адамти бахъхIи хIербирули кални ва баягъи ил календарь-сягIят пай­­далабирни багьесли саби. «Хъу­буркъе» (цIудхъурла лугъат) гьала атхIебла байрам илабадли баибси саби ва нушани ил гьаннара бузахъулра.
Чевкад хIерикIалли, Къуппала ши дубуртала ургабси журуга кьямличи мешубиркули саби. Ил ши Кегерла музур­базиб, востокла шайчибси бяхI­ли­зиб мерлабиубли саби. Ил багьандан сари Къуппала календарьти Кегерла календарьтачил дархдасунтира. 2021 ибил дуслизиб Къуппала шилизиб З.МяхIяммадовли кIиибил Бер­­хIила сягIят-календарь бар­­гибхIели, ил секIайчи нуша гьатIиралра им­цIали дирхаурра. Ил жяв­хIелла сягIят-ка­лендарь нушани ункъли бяркъурра. Баягъи ил календарь Кегерла ся­гIят-календарьличи мешуси­ли уббухъун.
Дагъистан илдигъунти календарьтала шайчиб давлачебси саби. Нушани ил­ди даим дургулра. Г.ГIямаровли бурни хIя­сиб­ли, Кавказла цархIилти халкьла илдигъунти сягIятуни-календарьти дирути ахIенри.
Дагъистанна археологиялашалти памятникуни руркънили тарихла ва археологияла мягIничебдеш чебиахъули саби. Жяв замунтала памятникуни ну­шани мяхIкамли дихIес гIягI­нити сари. Баркьудилис мар­ти, гъираличил вяшбикIули, гьа­ларла секIулти дургути адамтани тарихлашалти ва ар­хе­о­­­логиялашалти памятникуни мяхI­­камдирнилизи халаси пай ка­бирхьули саби.