Ахъушала районна бекI МяхIяч ГIяб­дул­­­каримов дявила сам­бола шай­чивси дунъяла чем­пион СягIид СягIидов­личил гьу­­ниваиб. СягIид СягIидовли Бишкеклизиб (Киргизия) ноябрьла 11-13-ибти бурхIназиб бетерхурси дунъяла чемпионатличиб цаибси мер сархибсири. Ил илкьяйдали 88 килограммла битIакI хIясибли Рос­сияла ва Европала чемпионра сай.М.ГIябдулкаримовли Ахъушала районна администрацияла шайзибад СягIидлис бар­калла багьахъур ва савгъат бедиб. «ХIурматла СягIид! Мубараквирулри дунъяла, Европала ва Россияла чемпионатличиб...

Дагъистан – дахъал миллатуначилси, ур­жибси хъали­барг са­би. Гьарил мил­латли пах­ру­барес бирар чу­ла халкьличи, тарих­ли­чи, рухI­ла­шалси куль­ту­ра­личи. Гьар миллатла декIар-де­кIарти гIядатунира лерти сари. Илди калахъес, чеабиуси нас­лу­личи даахъес – нуша халатала чебла саби. Ашкарлигу, иш­бархIила жагьилтани ил­да­чи халаси-декIар пикри бяхI­чииули ахIен, илди убла нас­лула дуркьа гIядатунази халдиру­ли сари. Амма иличи ургIебси анц­I­­­букь саби Избербашла 1-ибил школализиб....

Регионнизиб гIебшнила призыв даимбарили саби. ГIярмиялизиб къуллукъбарес дагъистанланти дявила авал округлизи цугли бурхьути саби – Восточный, Центральный, Западный ва Южный. Иличила балахъули саби Дагъистанна Дявила комиссариатла гражданинти дявила къуллукъличи жибирнила ва хIядурбирнила шайчибси отделла начальник ХIусен ГIямархIяжиевли. «Нушала жагьилти аркьути саби миллатла гвардияла гIяскуртази, илкьяйда бурхьути саби чус воздушно-космический или ирути ва воздушно-десантные или ирути...

Ишди бурхIназиб даргалацунра ахIи, Дагъистанна лерилра миллатунала вакилти лебгIеб разибиэси анцIбукь кабикиб. Республикализив бегI гьалав халкьла писательла уличи лайикьикибси пагьмучебти лукIантазивадли цаибтала къяяназивси хабарла ГIяхIмадхан Абу-Бакарличила баянтачилси, дебали жагаси жуз урус мезличил дурабухъун. Илгъуна гIяхIбаркь дураберкIес пикрибарибси ва сунела харжаначил жуз дураибси Перзият Кьурбановна БяхIяндовас баркалла балахъули, илис дахъал талихIчерти дусми, къаркъагъуна арадеш, хъулиб баракат,...

Дагъистанна лите­ратура Фазу ГIяли­евала у агарли гьан­бикахъес дебали къиянни саби. СенахIенну, илала назмуртани 2-3 наслуличи халаси асар барили саби. Илала пагьмулизир дубурлантала гьав ва бекIахъуди нушани чедиулра. Халкьла поэт Фазу ГIялиева, пагьмучерсили, уркIи гьаргсили, гIядатла ахIенсили рирусири. Марлира, ил дубурлан хьунул адам ва поэтцун ахIенри. Сари-алавси дунъя жагабиахъес, халаси пагьмура бедили, акIахъубси рурги ил Кьудратла...

«ГIямру кадерхайчи дузахIелра, бегIтала гьалабси чебла ахъес нушани хIедирехIе» Нушала улкализир жура-журала санигIятунас хасдарибти бурхIни лер. Дила пикрили, бегIлара дурхъасили бетарули саби нешла БархIи. СенахIенну, дунъяличир бегIлара гIязизси, ахIерси, малхIямси, дурхIначи уркIи изуси адам сари неш. ХIязлис ахIенгу биштIати дурхIнанира бегI гьалаб ил дев буруси. Илцадра биштIаси, хIябал хIярплизибад цалабикибси девли, лерилра гIямрула мягIна бухIнабуцили...

Ноябрьла 22-личив «Дагес­тан­ская правда» газетала ре­дак­циялизив ДР-ла багьахънибала ва печатьла шайчибси Агентствола руководитель ГIяб­дуразакь Жамалутдинов журналистуначил гьуниваиб. Балбуцла бекIлибиубси мурад сабри ведомствола бузерила сархибдешуначила ва гъамси челябкьлализир дирути дарсдешуначила багьахъни.«Газетаби-журналтала бекI редактортачил барх, Агентстволи миллатунала мезаначир дурадулхъути изданиебала ца холдинг акIахъес пикрибарили саби. ИшбархIи нушала гьарил газета декIарси «юридическое лицолизи» халбируси саби. Илгъуна тяхIяр биалли...

ГIярмиялизибад дигIянабиркутала хIекьлизив сунела Телеграм-каналлизив гъайухъун Дагъистанна БекI Сергей Меликов. «ИшбархIи гIебшнила призыв хIясибли воен­ко­матлизи хIебакIибти цацабехIти хIякимтала дурхI­нала умала сияхIличил тянишвиубра. Гьамадли аргъесли саби, илди гIярмиялизиб къуллукъбирнилизибад гIе­лум­билзули биъни. Сен цацабехIтас гIярмиялизи арукь­ни чараагарси чеблали бетаруси, цархIилтала, ил­дала дудешунира нешанира ахъти къуллукъуначиб бузули биъни багьандан, ил шайчир сегъунти-би­ал­ра чеимцIати ихтиюрти алкIути? Дила, генерал-пол­ков­ник­ла, гъамтани...

ГIисаева Раисат Сулайбановна 8-ибил класс таманбарили гIергъи, Буйнакъск шагьарлизибси педучилищелизи карерхур. 1994 ибил дуслизиб ил педучилищера таманбарили, Ахъушала урга даражала цаибил школализир бехIбихьудла классунала бучIантас дурсри кадирхьули рузес рехIрихьиб. 28 дус учительницала хIянчи барили сари Раисат ГIисаевани. Ил черетаибси, чекаризурли сунела хIянчи бируси адам сари. Илини «РФ-ла цахIнабси багьудила хIурматла хIянчизар» ибси у касиб, илкьяйдали...

Ишди бурхIназив ДР-ла Санкт-Петербурглизибси вакилдеш дируси организацияла руководитель ХIясан ХIясанов Украинализир дурадуркIути дявила анцIбукьуназир бутIакьяндеш дирухIели вяхъили госпитальлизи каркьибси Дибгашила шилизивадси лейтенант Амирбек Маммаевличи гьаввакIиб. ХI.ХIясановли, гъабзадеш да­кIу­дарни багьандан, А.Мам­маевлис баркалла багьахъур. Урши жяв-жявли аравиубли, бегIтачи чарухъи дигниличила буриб: «Хасси балбуцлизир Дагъистанна багьадуртани чедиахъути игитдешличи лебтанилра пахрубирули саби. Илар, гьала тIашдатурти мурадуни гъабзадешличил тамандирули, хIушани...