Дагъистан – дахъал миллатуначилси, ур­жибси хъали­барг са­би. Гьарил мил­латли пах­ру­барес бирар чу­ла халкьличи, тарих­ли­чи, рухI­ла­шалси куль­ту­ра­личи.

Гьар миллатла декIар-де­кIарти гIядатунира лерти сари. Илди калахъес, чеабиуси нас­лу­личи даахъес – нуша халатала чебла саби. Ашкарлигу, иш­бархIила жагьилтани ил­да­чи халаси-декIар пикри бяхI­чииули ахIен, илди убла нас­лула дуркьа гIядатунази халдиру­ли сари. Амма иличи ургIебси анц­I­­­букь саби Избербашла 1-ибил школализиб. Ишаб шко­ла­­ла администрацияли ва му­гIял­­лим­та­ни халаси хIяракат бирули са­­би бучIантази хала бегI­тала гIя­д­атуни дагьахъес ва илди хъум­­­хIер­та­хъес. Ил кьасличил гьар дус 11 ибил классла дурхIни-ургаб «Дагъистанна мозаика» би­кIу­си­ конкурс дура­бур­кIуси са­би, сунечибра гьарил класс­ла дурхI­­нани ца сегъуна-биал­ра мил­­латла халкьличила, ил­дала гIя­­датуначила, гIямрула шуртI­ра­чила бу­рути. ХIера, илгъуна конкурс бе­­терхур ишдусра 11ибил «а» ва 11 ибил «б» классунала дурхI­­­ни-ургаб. Илдани даргала ва кIарахъала миллатуни чер­ди­кIиб. Тамашаласи ва разиси абз бетерхур: дурхIнани ­жюрила бу­тIакьянчибас даргантала ва кIарахъала халкьла хурегуни, ил­дала миллатличицун хасти гIя­датла сценкаби, далай-делхъ гьаладихьиб. Илди халаси иш­тяхI­личил ва гъираличил хIя­дур­­биублири.