Лебтанилра балуливан, нушала улкала Президент В.В.Путинни 2024 ибил дус хъалибаргла Дус сабливан багьахъурси саби. Иличил бархбасахъи, гIяхIцад хъалибаргуни гьар шайчирад пачалихъла кункдешуначил, къулайти шуртIрачил гIердурцули сари, илдазибад цалра дяхIцIилиуб кавлули ахIен, хаслира дявила хасси балбуцлизир бутIакьяндеш дирути гIяхIгъубзнала хъалибаргуни. Илдигъунти хъалибаргуни хIерудиличил гIердуцес, биругIеб нешанала, дурхIнала ва дявила бутIакьянчибала уркIби разидарес халаси къайгъибирули саби регионнизибси,...

ГI.ГI.ГIялиевла уличилси Губданила музейла зал адамтани гарчли бицIилри. Ил бархIи пачалихъла ва жамигIятла машгьурси хIяракатчи, ЧебяхIси ВатIа дергъла бутIакьянчи Къарабудагъкентла районна хIурматла гражданин ГIялиев ГIямар ГIябдулхаликьович акIубхIейчирад 105 дус дикнила шадлихъ бетурхулри. Ил пергер адамла хIурматбарес бахъал гIяхIли цалабикилри. Илдала лугIилизибадлири МяхIяммад ХIяжиевла уличилси заводла генеральный директор ГIябдулвагьаб Папалашев, хIябал созывла халкьла собраниела депутат, жамигIятла...

Эльдерхан Темирхановла уличилси Мажалисла школализиб «Нуша дарх сарра» бикIуси балбуц бетерхур, сабира дявила хасси балбуцлизир бутIакьяндеш дирути гIеббурцниличи бяхIчиаибси. Иличила багьахъур муниципалитетла пресс-службализиб. Ил сипта гIямрулизиб дурабуркули саби директорла бяркъла шайчирси насихIятчи Луиза Мускаевани «Цаибтала хIяракат»-ла жигарчебти бутIакьянчибачил барх. Илини буриливан, балбуцли дурхIнас ва илдала бегIтас, ВатIан балтахъути илкьяйдали гIеббуцили, чула пикруми-кьасани аргъахъес ва жавабкардеш...

Кубачила шилизиб 500 миллион къуруш харждарибси туркомплекс тIашбалтули саби. Дагъиста ЦУР-ла «бархьаначиси эфирла» дазурбазиб Дахадаевла районна бекI МяхIяммад ГIябдулкьадировлира иличила  буриб. «БусягIятла замана Кубачила шилизиб вегIдешла инвесторли туризмала комплекс белши таманбирули саби. Илизи декIар-декIарти даражала 35  номер, ресторан, бассейн, сауна, хIямам, конференц-зал кадурхули сари, илкьяйдали 15 коттеджра, сунезирра 4 бамсри ахъес хасдарибти хъали ва гIяхIли...

МуртазагIяли Хулаттаевич Рабадановли Северный Кавказла регионнизиб бегIлара халаси, чебяхIси даражала багьуди бедлугуси, классикала журала, Дагъиста пачалихъла университетлис, гьанна 15 дус бекIдеш дирули сай. МуртазагIяли Рабаданов 1962 ибил дуслизив Хасавюртла районна Сулеркала шилизив акIубси сай. Илала хала бегIтала минала мер-муса Кубачила шила удибси хIеркIла къадалар, берхъибси вацIала дайлизир, Сулеркала шилизир дирутири. Сулеркала жамигIят 1944 ибил дуслизиб,...

МяхIяммадова ХIялимат Исламовна  Калмыкияла  Республикала  Садовская бикIуси районна  урга даражала  цаибил школала авъибил класслизир ункъли ручIули  сари. ХIялиматли  сари ручIуси  школала гIямрулизир  жигарла бутIакьяндеш дирули сари. Илини чинар бутIакьяндеш диралра, гьаларти мераначи лайикьриркули сари. Цаибил  класслизир  ручухIелил  «Тайны Египта», «Путешествие в Индию», «Покорение Рима»  бикIути ва цархIилтира багьудила шайчир детурхути  далдуцуназир бутIакьяндеш дирули, гьаркьятала къяйлизир...

Ахъти дубуртала, мурхьти къадурбала ургарадли ва шурмала мер-мусаличир машинаби дашахъес дарибти гьундури чедиухIели тамашахIейэс хIейрар. Мурт ва чили дарибтира илди или даим пикририкIусири ну. Илис жавабли биахъубли дила хала бегIтани бурусири: «Гьалар гьаннаван машинаби дирути ахIенри. Унцала ва умхIела кумекличил гечдирутири гьарил секIал. ГIур шилизи машинаби леркниличила багьахъурсири ва лебилра шила шанти дурабухъи, итхIели гьундури...