МяхIяммадова ХIялимат Исламовна Калмыкияла Республикала Садовская бикIуси районна урга даражала цаибил школала авъибил класслизир ункъли ручIули сари.
ХIялиматли сари ручIуси школала гIямрулизир жигарла бутIакьяндеш дирули сари. Илини чинар бутIакьяндеш диралра, гьаларти мераначи лайикьриркули сари.
Цаибил класслизир ручухIелил «Тайны Египта», «Путешествие в Индию», «Покорение Рима» бикIути ва цархIилтира багьудила шайчир детурхути далдуцуназир бутIакьяндеш дирули, гьаркьятала къяйлизир рирусири. «Хоровое пение» бикIуси далуйтала искусствола шайчибси хорлизирра далайрикIуси сари ил.
«Путешествие в мир эпохи и былин» бикIуси искусствола школализиб дурабуркIуси литературала шайчибси, 4-5-ибти классунала ургабси, урус мезла конкурслизир бутIакьяндеш дарили, ХIялиматли чедибдеш сархиб.
Илкьяйдали, ЧебяхIси Чедибдешлис, дявила бутIакьянчибала хIурматлис хасдарибти далдуцуназирра бутIакьяндеш дирули рирар.
Сунела хала нешла дудеш, ЧебяхIси ВатIа дявила бутIакьянчи МяхIяммадов МирзахIяжи ХIясановичлис хасбарибси стендла гьалар, илала суратра някъла буцили касахъибти суратунира лер.
ХIялимат дахъал ХIурматла Грамотабачил, Баркаллала кагъуртачил шабагъатларарибси сари.
ХIялиматла неш Аминат тухтурли рузули сари, ил Ахъушала шилизиб хIурматличил пайдалабикIуси хъалибарглизир акIубси сари. Хала неш Салимат биалли, Семгамахьила урга даражала школализир вожатаяли ва учительницали рузули сари. Илис сунела хIянчи дебали дигахъу ва чебетаахъили бетурхахъу.
Салиматла дудеш МирзахIяжи МяхIяммадов ЧебяхIси ВатIа дявила бутIакьянчи сайри, дахъал ордентачил, медальтачил шабагъатлаварибси. Салиматла неш Загьидатра гIяхIси насабла адам сарри.
МирзахIяжини ва Загьидатли гехIел дурхIя абикьур, гIяхIси бяркъра бедили, багьудира касахъили, хъайчира кабатурли, гIямрула бархьси дякьличи дураиб. Илдала ца рурси Таибат (сунела бунагь-хатIа урдуцаб) тухтурли рузули рири. Узи ХIясан Семгамахьила урга даражала школала директор сай, сунелара коллективлизиб ва шантала бухIнаб халаси хIурмат лебси.
Пагьмучерси рурси ХIялиматла неш Аминатли сунела гIямрула вархкья Исламличил барх хIябал рурси абилкьули сари, илдас гIяхIси бяркъра бедили, багьудира касахъили, чула хала бегIтала амру бихахъес бурсибирули, цархIилтас гIибратли биахъесли руркъули саби.
Гьаннала гIергъира арадеш, гьар шайчирад сархибдешуни,
талихI имцIадикIули, разили хIербиэс кьадарбиаб илдала хъалибарглис!
С.ГIябдуллаева
