Ишди бурхIназиб Ку­ба­чила шилизиб ЧебяхIси Чедибдеш 80 дус бирнилис хасбарибси столличиб теннисли биркьнила шайчибси Дахадаевла районна чемпионат бетерхур. Районна ши­мазибадли гIяхIцад бутIа­кьян­чиби цалабикиб ил бал­буцличи. Гьарли-марли ил баркьуди спортла ва уржибдешла байрамличи шурбухъун. Абз дураберкIахъес кумекбариб МяхIяч­къа­ла шагьарла Советский районна депутату­нала собраниела председательла замес­ти­тель Р.Таиловли. Илгъуна баркьудила гIяхI­деш­­ли­чирли абзани ункъли детерхур ва че­ди­би­кибтас савгъатуни дедес...

Мартла 16-личибад бехI­­бихьили, 23-ли­чи бикайчи Ярос­­­лавль­лизиб Россияла шаш­­­­ка­бала шайчибси чем­пио­нат бе­тер­­хур­­сири. Ил абзли­зир бутIа­кьяндеш дариб спортсмен Бад­­­­­рудин Рабазановлира. Ил сар­хиб­­деш Бадрудиннис де­бали мягI­ни­­чеб­си­ли бетаур, сенахIенну илини сунела ус­та­­деш гьаларра че­­даахъибтири, Мя­­­хIяч­­­­къалализир де­­терхурти аб­заназиб 3-ибил мер касили. Б.Рабазановла командали хIяз­­лизир ахъти устадеш ва чула цадеш чедаахъиб. Улкала декIар-декIарти регионтала цIакьти командаби лерри, амма нушала ко­мандали хIурматласи...

ГIядатли бетаурси, миллатла кIа­нала байрам ГI.Ба­ти­райла уличилси Даргала театр­ли ишдуслизиб кIинайс дура­бур­кIули саби. Ил балбуц хIя­дурбарибси саби ДР-ла халкьла багьудила отличник, театрла музыкала бутIа къелгIеббикуси Эльмира Иб­рагьимова. ГIяхIбаркьла бал­буц мил­латла культурала бяхI­чибизлизиб бе­терхахъес иб­си илала сипта театрла ди­рек­торли ва хIянчизартани ункъли гIеб­­буциб, ва сагадан хIер­би­кIутас ра­зи­дешла, тамашала хIялани пеш­кеш­да­риб. Театрла жаняхIлизиб Избербашла адамти ва гIяхIли,...

Гьалабван ­Сер­го­къа­­ла­ла район­на ­Сер­го­къа­ла­ла ши­ли­зиб республикала мил­­­латла далайла «МицIирти гIя­да­ту­ни» бикIуси фестиваль-кон­курс бе­тер­хур, сабира РСФСР-ла рурибси гIяр­тист­ка ва ­ДАССР-ла халкьла маш­гьур­си гIяртистка СултIанат Му­ртузагIялиевна Кьур­­банова гьан­рир­кахънилис хас­ба­рибси. Ил балбуц да­лайла искусство ди­гантас ва Дагъиста куль­ту­рала давла кьи­матлабирантас мягI­­­ни­чеб­си­ли бетаур. С.Кьурба­новала у, Дагъиста музыкала лишан сабливан, адамтала уркIбазиб даимлис кавлан. Илини даргала далуйтицун ахIенрину машгьурдирути, республикала...

Ил Сергокъалала районнизибси даргантала ши саби: бахъ­хIила, бахъли балуси ва гьа­лабла замана дебали халали би­руси. Ашкарси, Къяба-Дар­гала яра ХIурхъила союзла центрли би­русири ХIурехъи. Ил мерлабиубли са­би урхьуличибад 700 метрла ахъси тIа­би­гIятла жагаси ХIурхъила къярд­лизиб. ХIур­хъила шилизивадси маш­гьурси гIя­лим, политикала ва па­чалихъла хIя­ракатчи ХIяжимурад Амировли «Се­верный Кавказла дубур­лантала ур­габ» бикIути сунела гьан­бикуназиб ХIу­ре­хъила шила мер иш­кьяйда...

Гьарил миллатла нешла мезличил дарх саби-бегI­си ли­тература, культура ва та­рих дирути сари. Халкьла ча­ра­агарси чебла саби ил­дачила хъум­хIертни, ва илди чеалкIуси наслуличи даахъес багьандан гьаман ил­дачила ихтилатдикIес, лукIес, лерилра сур­сатуни илди мяхI­кам­дирниличи дяхI­­чиаэс че­бир­кур. Се бе­тарулив иш­­бар­­хIи, де­кIар-декIарти ба­гьахъ­ни­­ба­лашал ва тех­но­ло­гия­ба­ла­шал гьа­лабяхI ар­бя­кьунси ман­зил­ли­зиб? Жа­ваб леб­та­сал­ра гIя­чихъси саби… Заманаличил дархли дашу­хIели, бекIлибиубси­личила – нуша чинарад...

Сергокъалала районна Кичи-ХIямрила ши­ли­зивадси СВО-ла бутIакьянчи, бригадала ко­ман­дир Замир ХIясанов районнизи гьав­вакIиб. ДекIар-декIарти далдуцунас гIергъи, Замир ХIя­санов Сергокъалала районнизир бекIлидиубти, хъум­хIертести мераначил тянишвиуб ва СВО-лизив ал­хунси ГIяхIмадбек ГIяхIмадбековлис хасбарибси хъум­хIертнила уркьули ибхьуси балбуцлизир бу­тIа­кьян­деш дариб. Илкьяйдали «Олимпийский» парклизибси СВО-лизиб алхунти бутIакьянчибас хасбарили убатурси хъумхIертнила анхълизира ваиб. Замир ХIясановли илдигъунти мер-мусаличи, далдуцуначи вашни, гьанбикунала унхъри удалтни...

Гьалабван Дахадаев­ла район­на администра­ция­лизиб гьар жумягI­ли­зиб дурабуркIни гIядатли бе­таурси совещание бетерхур. Бал­буцла дазурбазиб алхунси ургъан ГIябдул­лагь МяхIяммадовла дудеш­лизи Гъаб­за­деш­ла Орден бедиб. Ил мягIничебси баркьуди дурабер­кIиб районна бекIла, Дахадаевлара Хай­дакьлара районтала дявила комиссарла, декIар-декIарти кабизунала руководительтала ва шимала бургала бутIакьяндешличил. ГIябдуллагь МяхIяммадовли ахIерси ВатIа хъархIерагардеш багьандан сунела гIямру кьурбандариб. Илини дявила майдайчир гъабзадешла баркьудлуми дурадеркIибтири ва...

Дахадаевла районнизивадси пенсионерли бузерила мераначил адамти гIеббурцнила ярмаркала дазурбазиб хIянчила мер баргиб. Папай МяхIяммадов акIубси сай 1967 ибил дуслизив Дахадаевла районнизив. Дахъал мераначиб илини хIянчи барибси саби. ДухIнарти къуллукъунала капитан вири, МяхIячкъалала шайчибси Россила МВД-ла Управлениела отделла халасигъуна специалистли авал дус хIянчи барибсири. «Пенсияличи арякьи, хъули кайибхIели, хIянчи агарли уэс хIевирни нуни балулри. Ил багьандан...

Ишди бурхIназиб «Ангелы победы.СВО: дагестанцы — Герои России» бикIуси жуз дурабухъун. Илизиб чула гьунартачил Россияла Игитла уличи лайикьбикибти дагъистанлантани декIарси мер бурцули саби. Ил жуз «Дагестанская правда» газетала редакцияли «Дагъистан» бикIуси Издательский Юртличил барх ЧебяхIси Чедибдеш сархибхIейчирад 80 дус диркнилис хасбарили, дураибси саби. Жузличил тянишбирнила балбуцличир алхунти бургъантала нешанани ва хьунрани, ДР-ла печатьла ва багьахънибала...