Ишди бурхIназир Дахадаевла районна культурала учреждениебазир фольклорлис хасдарибти гIяхIцад далдуцуни дурадеркIиб. Илкьяйдали халкьла гIядатуни хъумхIертнила ва илди гьатIира гьаладяхI дашахъес хIяжатли биънила бетуцличи пикри бяхIчиаиб. Илди далдуцуназибадли мягIничебсили бетаур «Даргала фольклорла бяхIяникад архIя» ибси фольклорла сягIят. Ил балбуцла бутIакьянчибани миллатла культурала тарихличила гьанбиркахъули, илала урхIмешуахIендеш ва давлачебдеш белгидариб. Илдани гьаларла далуйти делчIун, гьалакли дурути масхарала дугьби, пасихIти буралаби, разити назмурти гьаладихьиб ва далай-делхъла устадеш чедаахъиб. Илдани гьалабла замана халкьли дузахъули калунти хIязани гьандикахъиб.
Дибгашила шила ЦТКНР-лизиб балализирадли гьимирти дирнила устадешла дарс чебаахънира дигеси анцIбукьли бетаур. Шилизибти гьести гIямрула адамтани бурни хIясибли, ил баркьуди дурабуркIухIели, дубурлан хьунул адамтани далуйтира зайдулхъахъутири.
Дахадаевла районна администрацияла пресс-служба
