Ахъушала шилизиб хIербирути ГIялиев МяхIяммад МяхIяммадович ва ГIялиева Хадижат МяхIяммадовна бахъал халкьли балути саби. Балгунти, цалис цали мардеш дихIули, хIялалли, халкьла хIурмат сархибти МяхIяммад ва Хадижат хъайчикабиибхIейчирад 54 дус дикили сари. Илдани гехIел урши-рурси абикьур, гIяхIси бяркъра бедили, багьудира касахъили, бузерила кьиматбирахъес бурсибарили, гIямрула гьунчи дураиб, гьанна илдачибад акIубтира леб 25 дурхIя.
МяхIяммад МяхIяммадовичли 25 дус райисполкомлизив шоферли узули, хIялалси хIянчи бариб. Ил сунечи хъарси жавабкардешличил бетурхахъули узули калун.
Хадижат МяхIяммадовна рузули сари Ахъушала урга даражала цаибил школализир, бехIбихьудла классуназир дурсри кадирхьули. Хадижатли «Бузерила ветеран» ибси ура касили сари, илала бузерила стаж 54 дусличи абикили саби. ДурхIначи дигичерси, илдас гIяхIси бяркъ бедес, багьуди касахъес къайгъилизир рузули, илини сунела касибси санигIятлис марли, бузерила гьуни даимбирули сари. Хадижат МяхIяммадовнани санигIятлис мардеш дихIнилис гIяхIцад шабагъатунира касиб, ДР-ла багьудила ва гIилмула Министерствола ва «Ахъушала район» МО-ла администрацияла шайзирад.
Гьаннала гIергъира гьарбизуни имцIадикIаб, чархлизиб арадеш биаб, чула дигутас гIяхIси кьисмат ва дунъяличиб даршудеш кьадарбараб!

С.ГIябдуллаева