Жяв заманали­чи­бад­ли ду­бур­ланти анкъила вана­дешличил пайдалаби­кIу­тири янила манзиллизиб. Гьаннаван отоплениебира хутIра лерти ахIенри итхIели. Гьести гIямрула адамтала дирутири илдигъунти анкъурби. РиштIахIели гьанбиркур анкъила дайлаб шанг руржули. Шанг руржахъуси цIали илала мякьла кабиибти ванабирахъулри. Шанг чебяхIкахъили бирусири мегьла рахажличи ва мурт-дигара, сегъуна-дигара беркалара барес вирусири илаб. Чуднира кьацIра гьала-гьала гантразир дуцIахъули кали сари. Багьла-багьлали халкьла яшавла...

БерхIила нуранани ванзалис, илаб хIербирути адамтас ва духълумас кьуват бедлугуси са­би. Дубуртани биалли, ил кьу­ват­лис дебш дедлугути сари. Ил багьандан бургар дубуртазиб акIубти уршбани чула цIакь­личибли ва кьуватличибли дунъя гIяшикьбирахъусира. Да­гъистанна нартанани гIяхIцад дус­мазир хабардерхахъурти сари чула урхIмешуахIенти гьу­нартачибли. Дубуртар Улка­лизиб акIубти спортс­ментани ишхIелла манзил­лизибра чула хала бегI­тала ва бегIтала цIакьдешла, ур­кIила чIумадешла кумекличил сагадан...

Театрла ва кинола гIяртист НурбяхIянд Идрисовли пах­ру­ли­чил дурули вирар сунени ролани дузахъути ишди спектакльти: «Салам, Москва!», «ВиштIаси Бахачил кадикибти гIя­жаибти анцIбукьуни», «ГIур­ра дубуртази», «Уруслан хаб­чаб», «Гьар секIал цагьакI­ли». Ишди бурхIназир МяхIяч­къа­­лализир «Гьар секIал ца­гьакIли» бикIуси кино кайсниличилти хIянчи тамандирули сари. Ил кинолизирти ролани Дагъистанна искусствола бурибти хIяракатчибани дузахъути сари. НурбяхIянд Идрисовли кинолизиб рибачила (ростовщик) роль...

Гьалабван ДР-ла «ДурхIнала пагьмурти гьаладяхI дикуси Альтаир Центрлизиб» крае­ве­де­­ниела олимпиада бетерхур. Ила нушала ре­с­публикала пагьмучебти дурхIни ва ил­ди къелгIеббикути руководительти цала­би­киб. Олимпиада багъишлабарибсири Расул ХIямзатов акIубхIейчирад 100 дус диркнилис. Жюрила бутIакьянчибани ил хIяракатлис ишгъуна ура бедилри: «Расул ХIямзатовла творчестволизиб Дагъистанна халкьанала гIядатунала масъала».Олимпиада хIябал журала абзаназибад цалабикибсири: творческий тяхIярла белкIла хIянчи, чевяхIси поэтла гIямру, творчество...

Дарганти-ургаб гIергъиси замана журналистикализир гIяхIти сархибдешуни дирахъути жагьилти лебни дигеси саби. Гьайгьай, гьамадси ахIен журналистла санигIят бузахъес. Мурталра къарауйчивси солдатван чекайзурли виэс хIяжатси сай ил. ГIе, журналист улкала халкьлизи мягIни-хIял далахъути органтала умутчевси солдат сай. Чинаб сегъуна гIяхIси анцIбукь кабикилил, лайикьти адамтачила къантIси манзиллизиб макьала балкьаахъес хIяжатлил, хъарбаркь хIясибли архIяличи дуравхъес гIягIнилил,… ил, бикIуливан, хIяралаб...

МикIхIила шилизир маш­гьур­си гIялим, профессор, филологияла гIилмуртала доктор, тилмаж, гIилмула дахъал хIян­чурбала автор, журналист Мя­хIяммадшапигI ГIялиханович ГIи­саевла хIурматлис шила спортла школализир волейболла шайчирти абзани детерхур. Базла бехI­би­хьуд­личир рурсби-ургарти абзани детер­хуртири, илдачила нушани белкIра бел­кIунсири. Иш гьакIлис уршби-ургарти абзани детерхур. Аб­заначи районна дахъалгъунти шимала школабала бучIанти гIулухъабазирад цахIнадяхъибти командаби дакIиб. МяхIяммадшапигI ГIисаевли дурхIнас бяркъ ва багьуди...

Гьалабван Сирия­ли­­зиб, мерс­­да­кьи, мусибатлизи би­кибти халкьлис дахъал улкнани ку­мек гIеббаахъибсири. Илди-ур­гар лерри гIяхIбаркьла фон­да­ни­ра. ХIера, чумал жу­мягIла бухI­­наб Сириялизиб А.Ахъу­шинскийла ули­­­чил­си гIяхI­­­баркьла фондла хIян­­чи­зарти бузули калун. Илдани Си­­риялизиб мерс­дакьун­хIели за­­­раллизи бикибти адамтас ку­мек гIеббиахъулри.Чула архIяла дазурбазиб фондла жигарла бутIакьян­чи­би Дерфул шилизи баиб, су­не­­зибра дагъистанланти хIер­би­рути. Шилис гьаман «Кучук Да­гъистан» — «биштIаси Дагъис­тан» бикIули бирар, илкьяйдали...

Улкала гражданинти ВатIан батахъес мурталра хIядурли биэс чебиркур. Ил чеблара Конс­титуцияла тIалабра саби. Ил ба­гьан­дан уршби, гIяр­мия­лизи жи­ба­райчи, шко­лализиб лебай, дявила уста­деш касили, хIядурли биэс гIягI­ни­биркур. Дахадаевла районна лерилра школабазиб, бар­хIи­личи-бархIи дявила хIядурдеш чеахъбикIахъули, ОБЖ-ла учительти бузули саби. Илдани хъумуртули ахIен теорияли­чицун хъарахъили гIямал­хIе­­бирниличила: гьаман дура­дур­кIули бирар практика марбирути занятиеби: дуцIбикIни, гIярмицла ганзли башни, ярагъ...

Бара гьалабван, Ахъушала районна администрациялизиб Украинализиб дурабуркIуси хасси балбуцличив алхунси МяхIяммадов МяхIяммад Юнусовичла гъамтази Гъаб­за­дешла орден бедлугнила балбуц бетерхур. МяхIяммад МяхIяммадов акIубси сай 1990 ибил дусла сентябрьла 19-личив Ахъушала районна Дубримахьила шилизив. Илини дявиласи къуллукъ ахъибси саби Россияла гьавала гIярмияла ургъан сайливан. 2022 ибил дуслизив МяхIячкъала шагьарла военкоматли СВО-лизи вархьибсири ва сунес морская пехотала или...

Генетика бикIуси гIилму дакIубухъес гьалабра халкьли ба­лусири, че­ал­кIути дурхIни чу­ла бегIтачи мешутили бетарни. Гьалабван, Мя­хIяч­­­къалала Поэзияла Театр­лизиб даргала советская ли­­­­те­ратуралис хьулчи кабихьибси поэт ва сатирик ГIязиз Ими­нагаев гьаниркахъуси ве­чер­личир делчIунти наз­мурти, тяп ишбархIилис хас­дарили дел­­­­­кIунтиван зай­ди­кIул­ри. Ил­хIе­­ли гьарли-марти поэтуни беб­­­­­кIаагарти биъниличи рирхаурсири.Балбуц гьарра шайчибад гIеб­бурцулри ГIязиз Иминагаевла кьамлизивадси ГIиса Мя­­хIяммадович ГIязизовли. Гьар­ли­-марли, «Низбачирад низби дашар...