ГIергъиси замана Дахадаевла районна мер-мусаличирти гьундури къулайдирнила бузери жигарчеббикIули саби. Заб-маркали дукьдулъахъути ва гIяхIцадхIи далхIедарибти шимала духIнарти ва федеральный кьадрила дебали вайси агиличирти гьундури ремонтдирнила баркьудилизи ахъили саби шимала адамтира. Илдигъунти баркьудлумазиб мисалли бетаурли саби КIишала шила жамигIятра. КIишала шила бекI МяхIяммад ГIяйнилаев бекIливиубли, шила адамти гьар дуслизиб гьундури къулайдирнила мурадличил цабалги дурабулхъули бирар. Ишди...

Дунъя дебали барскабиубли саби. Илкьяйдали халкьра. Гьалабла халкь гьанналайчил цугбуцалли, кIел пачалихъла халкь кьяйдали декIарбулхъули саби. Адамти барсбиъниличила саби дила макьалара. Нушала халкьличила гъайикIес къиянни саби. Амма жагьилтачила бурасли, илди гьаваличибти кьяйдали саби, селичилра пикрибулхъули ахIен. Мисаллис касахIелли, маршруткаличи гьести гIямрула адам ацIалли, жагьилти чула телефонтази вавализи мирхъиван бархили, алавси секIал хIясиббирули ахIен. МалхIямли тиладибаралли,...

Узнимахьила урга даражала школализи ну шел дус гьаларра рякьунсири.  Чедаибтири  иларти тяхIяр-кьяйда, сарира 43-эсил дус школала директорли узуси ГIяхIмадов Кьурбан Кьадиевичла къайгъиличил кадизахъурти: школализиб ва алавчарти мер-мусаличиб умудеш ва ибгибдеш сарри,  педагогический коллектив уржибси ва жавабкардешличил бузес бурсибиубси биъни чебаэслири. Шел дусла духIнар гIямрулизир гIяхIцад секIал дарсдиуб. Кьурбан Кьадиевич  гьанна директор ахIи, учитель сай. Директорла...

ЖумягI бархIи, сентябрьла 27-личиб бархIехъла манзиллизиб, Сагаси Хушетлизи ласбулхъуси мерличиб, гьунила дублаб, машинаби бензинничилра газличилра гIердурцуси «Plus» бикIуси, заправкаличиб халаси баргберд бетаур. Гьачам баргберд бетаурли гIергъи, кIинайсра, цаибилличибра цIакьси баргберд биуб. КIиэсил баргберд телефонна видеолизи бархли касилри ва чи-дигара уркIаэси, урухвареси сабри. Баргберд бетаурси мерличи «Къалабаси кумекла» машинаби,  духIнарти къуллукъунала, МЧС-ла, прокуратурала хIянчизарти гьалакли музабухъун....

Ишди бурхIназир нушала ралликьяна Муъминат Хаттаева 65 дус риубли сари. Илини макьалабицун ахIенну назмуртира, хабуртира, повестунира лукIути сари. «ГьанкIагарти дугурби» бикIуси, назмуртира хабуртира кадерхурси, халали ахIенси жуз Дагъиста жузала издательстволи 2004-ибил дуслизиб дуракаибсири ва халкьли дигиличил кьабулбарибсири. «Сакинат» бикIуси, халаси повесть 2010-ибил дуслизиб дурабухъунсири. Повесть урус мезличи шурбатурли 2017 ибил дуслизиб дурабухъун ва жузала кьасиличиб...

Ардякьунти бурхIназиб Сочилизиб «Лебил Россия – 2024» бикIуси уличил ишхIелла журналистикала ХХVIII ибил мажлис бетерхурсири. Илцад халаси кьадрила ва санигIятлашал мягIничебси балбуцлизир нушала республикала вакилтанира жигарла бутIакьяндеш дарибтири. БутIакьяндеш дарнила дурабад, нушала цацабехIти бархкьябани пагьмулашалти конкурсунира чедибдешличил ахъиб. ХIера, республикала «Дагъиста хьунул адам» журналли «БегIлара гIяхIси дизайн» бикIуси номинациялизиб гьалабдеш сархес имканбакIиб.  ЦархIилтазибад бегIлара гIяхIси...

Адамти акIес гьалаб Аллагьли илдас санигIятуни дуртIули сай. Илдазибад бегIлара чебяхIсилизи халбирулра тухтурла санигIят. СенахIенну илини зягIипти мухIлила гъайли, малхIямси хIерли сагъбирули сай. Илдигъунти дигили чумилра адамла жан дерцахъес имканбикIули саби. Илкьяйда илдани халаси пай кабирхьули саби адамла гIямру дерцахъес ва гIурра гIеркъадиахъес. Бахъал саби дарганти-ургаб машгьурти тухтурти, чучила лебилра Дагъистайзиб хабардерхурти. Илдала лугIи чебирцIахъули...

Хъалибаргунала гIядатунала кьиматчерти бетуцуни мяхIкамдирниличи бяхIчиаибси пачалихъла политика гIеббурцули, хъалибаргла дуслизир дурадуркIути далдуцунала дазурбазиб Дахадаевла районна адамти яшавлашал гIеббурцнила шайчибси Комплексный центрла хIянчизарти Дибгашила шилизибадси ГIялиевхъала гIибратчебси хъалибаргличи гIяхIладли бякьун. Сулайбан ГIялиевич ва Халум ХIяжигIялиевна хъайчикабиибти саби 1960 ибил дуслизиб. Гьанна илди 64 дус кIел уркIи цадарили, вайра гIяхIра дарх дуртIули, хIеркабирули саби. Сулайбан ГIялиевич,...

Хайдакьла районна Жавгъатла шилизивадси ургъан Мутай Мутаевли 2022 ибил дусла октябрьла 4-личирад СВО-лизир бутIакьяндеш дирули сай. Илини бургъантас янсав-хIярхIя ва цархIилти хIяжатти секIал диахъули сай. Мутай акIубси сай 1991 ибил дуслизив. Россияла дявила хасси балбуц бехIбихьибхIели, илала юлдашуни ВатIа хъархIерагардеш батахъес арбякьунтири. Мутайра шайчив калес хIейрули, сай гIяхIъулали РФ-ла оборонала Министерстволичил вягIда бигьи, дявила къуллукъличи...

«Ургъаннис посылка» бикIуси балбуцла дазурбазиб, Къаякентла районнизибад дявила хасси балбуц бетурхуси мер-мусаличи «Каспий» батальонна бургъантас яргаличилси кумек бархьиб. Иличила балахъули саби муниципалитетла пресс-службализиб. Кумек бурчухIели, батальонна бургъантала хьуланира пикрилизи касибтири. Иш яргализир, чараагарли хIяжатдиркути секIултала дурарад, бургъантас гьатIира диахъу: кофе, чяй, консерваби, хиви, мурабба, пIялцIикI, диъ, овощуни ва цархIилти секIал. Илкьяйдали бургъантачи дархьибти сари школала...