«Ургъаннис посылка» бикIуси балбуцла дазурбазиб, Къаякентла районнизибад дявила хасси балбуц бетурхуси мер-мусаличи «Каспий» батальонна бургъантас яргаличилси кумек бархьиб. Иличила балахъули саби муниципалитетла пресс-службализиб.

Кумек бурчухIели, батальонна бургъантала хьуланира пикрилизи касибтири.

Иш яргализир, чараагарли хIяжатдиркути секIултала дурарад, бургъантас гьатIира диахъу: кофе, чяй, консерваби, хиви, мурабба, пIялцIикI, диъ, овощуни ва цархIилти секIал. Илкьяйдали бургъантачи дархьибти сари школала бучIантала кагъуртира ахIерси ванзала манзил хIясибти савгъатунира (гIинцби, кьурчи, районтала лерилра хозяйствобазир дурчути берхIила цIедеш).

Бурес чебиркур, балбуц Дагъиста БекI Сергей Меликовла сипта хIясибли дурабуркIуси саби. Баягъи буцчибси кумек гьуниббалта Къаякентла районна бекI МяхIяммад Эльдерхановли ва гIяярбашантала цалабяхъла (Охотобщество) председатель МяхIяммадсадир Ибрагьимовли.

Пресс-службализиб багьахъурливан, СВО бехIбихьибхIейчибад гьанна шуйна кумек цалабяхъили саби, сабира муниципалитетла бекIли биахъуси.