Хайдакьла районна Жавгъатла шилизивадси ургъан Мутай Мутаевли 2022 ибил дусла октябрьла 4-личирад СВО-лизир бутIакьяндеш дирули сай. Илини бургъантас янсав-хIярхIя ва цархIилти хIяжатти секIал диахъули сай.

Мутай акIубси сай 1991 ибил дуслизив. Россияла дявила хасси балбуц бехIбихьибхIели, илала юлдашуни ВатIа хъархIерагардеш батахъес арбякьунтири. Мутайра шайчив калес хIейрули, сай гIяхIъулали РФ-ла оборонала Министерстволичил вягIда бигьи, дявила къуллукъличи кайзур.

«Юлдашуни бургъухIели, хъулив паргъатли уэс хIейубра. Юлдашунас кумекбарес ва ВатIа хъархIерагардеш батахъес пикрибарира. Нуша лебтанилра ца масъала саби ирзуси – Западла пикруми детхIедерхахъни. Душман вячIи, нушани чедибдеш сархниличила сегъунтилра ташмишдеш агарли бурулра», — цIакьбарили буриб ургъанни.

Бургъантас хIяжатти секIал диахънила дурабад, гIямрулис урехи алкIахъули, бяхъибти бургъантас къалабаси кумек гIеббиахъулри, илди хIярхIубала заблиубад урехиагарси мерличи гечбирули. Дявила чебла ихъухIели, гъабзадеш ва игитдеш дакIударни багьандан, РФ-ла Президент В.Путинна ХIукму хIясибли, 2024 ибил дусла июльла 1-личив Мутай Мутаев Жуковла медальличил шабагъатлавариб.

Сай гIевурцнилис сунела шантас ва гъамтас баркалла балахъули сай хайдакьлан багьадурли.

«ХIурматла цаванзаланти, нуша гIердурцнилис хIушаб халаси баркалла! ХIушаб лерилра гIяхIтигъунти дулгулра. Дигахъеная ВатIан, ил нушала ца саби лебси!» — викIи Мутай.

Хайдакьла районна администрацияла пресс-служба