Велосипедличиб ду­­нъя алавбарес – ил­гъуна кьас саб­ри Швейцарияла Нев­ша­тель шагьарлизивадси 30 дус виуб­си Люк Аллемандла. Авал баз гьун­­чив калунси илини авал азир ки­лометр ахъилри ва Дагъистайзи ваэс кьас­ба­рил­ри. Люкли дурала улкнала мезани руркъули сай. Францияла мезла дурарадли илини немецунала, италияла ва англияла мез далули сай. Гьанна кIиэсил дус урус мез руркъули сай илини. Интернетла кумекличил...

МяхIячкъалализиб «Газпром межрегионгаз» ГРО ООО-ла ва «Газпром газораспределение»-ла хIянчизартани газ пайдалабирухIели мяхIкамдеш бирнила ва нукьсанде­шуни гьардирнила шайчир ахтарди дураберкIиб. Илди хIянчила дазурбазиб дахъал дерхIанар юртаназир газла гIягIниахълуми сегъуна даражаличир сарил ахтарди­дариб. Гьалабван Энгельсла кьакьализибси 55 ибил 100 квартираличилси юртлизиб ахтарди дураберкIиб. Газовикунани хасси пикри бяхIчииулри абоненту­начи, чулира план хIясибли техобслуживаниела ахтарди дурабуркIухIели, газла гIягIниахъалаличи хIеръахъес...

Гьалабван А.Г.Къараевла ули­чилси Кубачила СОШ-ла фи­зи­кала ва астрономияла учи­тель, «Пагьмучебти дурхIни» ибси про­ект­ла руководитель Мурад Асилаловли био­ло­гияла учитель МяхIяммад Къараевличил ва дурхIнала бегIтала комитетла председатель ГIябдусамад Кишиевличил барх Мя­хIяч­къала шагьарла музейлизи, ДГУ-ла «Кван­то­риум» технопарклизи, зоологияла му­зей­лизи, «Россия – дила тарих» тарихла парк­лизи экскурсия дураберкIиб. Кубачила администрацияла бекI ГIяб­дусалам Куртаевла кумекличил ду­ра­беркIибсири декIар-декIарти предметунала муниципальный олимпиадабачир...

 Руслай чеббикIиб тухтурла хIянчи — Ягъари, Мурад ГIяммаевич, бахъал тухтуртачила макьалаби делкIи, цалра дибгашан тухтурличила сен хIебелкIунсири? Нушала шилизибадти тухтуртала ва тухтурти бетаэс бучIутала лугIи 30-йчи абиркулигу,– дугьайзур набчи ишди бурхIназив Гена. — Халаси иштяхI­ли­чил лукIаси хIечилара, ахIерси ХIусен, мединиститут таманаайчи учIули, хIура тухтур ветаурси виадри, — ви­кIул­ра ну дила тухум ва ученик, дибгашан ХIусен...

Январьла 15-личив Дагъистан Республикала БекI регионна СМИ-бала журналистуначил гьуниваиб. Балбуц Россияла печатьла БархIи дурабуркIнила дазурбазиб бетерхурсири. Бурес чебиркур, регионна БекIли республикала журналистунани бируси хIянчи ахъли кьиматлабариб. Суненира республикала лерилра газетаби-журналти, ил лугIилизир – миллатла мезаначир дурадулхъутира, дуслис къулбасдариб.Гьунибаъниличир ДР-ла БекIли журналистунас пачалихъла шабагъатунира дедиб. Республикала БекI В.Васильевли, Дагъиста ишхIелла журналистика гьалабяхI башахънилизи мягIничебси пай кабирхьни...

Дахадаевла район­на ад­ми­нист­ра­ция­лизиб январьла 14-личиб сакIубдешри. Да­хъал дусмазиб цабехIли ца­бехI че­хIе­баибти районна шима­­зи­бад­ти лукIан­ти цала­бир­­кул­ри. Ил бархIи Ур­ка­ра­хъиб Россияла печатьла Бар­хIи­ла байрам дураберкIиб. Бал­буцличи шимазибадли рай­он­на «Шила гIямру» ва рес­­пуб­ликала «Замана» га­зе­та­ба­ла бахъ­хIила лукIанти жи­ба­рилри. Шадлихъ ибхьули ва бал­буцла бутIакьянчиби му­­ба­рак­­бирули, гъайухъун рай­он­на му­ни­ципалитетла ру­ко­­во­ди­тель Ж.ГIяма­ров. «ХIурматла гъайла маш­гьур­ти устни, хIушала са­ни­гIят­ласи байрамличил ур­кIи-ур­кIи­ларадли мубарак­ди­рулрая....

Каспийскла ОМОН-ла мер-муса­ли­чиб ДР-ла шай­чибси Рос­гвардияла Управ­лениела на­чальникла кумекчи, полицияла пол­ковник Константин Шиян­на ва отрядла ко­мандир, по­ли­цияла полковник Шамил Мя­­­­хIяммаевла регионна пе­чатьла ва электронный тя­хIяр­ла СМИ-бала ва­кил­та­чил­си гьунибаъни бетерхур. Ил Рос­сияла печатьла БархIилис хасбарибси сабри. Балбуц ванаси гьунибаънила ихтилатла тяхIяр-кьяй­дализиб дураберкIиб. Илала дазурбазир бархси бузерила баянти каиб ва челябкьлализир дарес хIяжатти хIянчила масъулти пикридариб.К.Шиянни 2019...

Медицина – излуми арадир­ни­лашалси искусство биънила дурабад халаси хайри бихуси бизнесла хIянчилира бетаурли саби. Адамли сунела арадеш ункъбарес багьандан, сецад дурхъаси биалра дарман исули сай. Гъай биштIатала арадешличила диалли, илини дунъя хъумуртули сай ва виштIаси араварес багьан­дан тухтурти бикIуси ба­рес хIядурли сай. Амма, хIей­геси биалра, нушаб дар­мунти лукIуси тухтурли ил дар­майчила лерилра баянти далули ахIен....

ЧебяхI шантани «Кут­та лакки» (КъантI­си лаг), Вяхъназибтани «Шу­­рагье хъяб» имцIали дуза­хъу­ти дугьбала цалабикуни сари. ГIергъиси гьигьличи бетикиб цагьатIи гIямрула дус. Январьла цаличир дила гIямрула бетуцла 81 дус журугдиуб. Юбилейтала юлдаш-декIар ахIенра. Гьачамалра дураберкIибсира ахIен. Сунки-улала «президентличил» барх чяйла стаканра кьуртIаили, биштIа-биштIаси кигьала диъла бутIара кьяртIаили, таманбирули вирус. ДеркIибти дусмала бетуцлизиб кьадардиуб чIям­да­рес вайтира гIяхIтира: цундешра...

Лебил дунъяличив машгьурси динна гIялим ва вягI­зачи, дурхъаси МяхIяммад Идбагла (с.гI.в.) насаблизивадси МяхIяммад Сакькьаф Россиялизи вакIиб ва гIяхI­ли дигуси Дагъистайзив жу­мягI­цад­хIи калун. Илала кьам Идбагла (с.гI.в.) рурси Фатимала ХIу­сей­чибад саби. Илди кьялуби тIинтIдиубти сари Йеменнизир, Иракьлизир, Шамлизир ва дахъал цархIилти мераначир. МяхIяммад ас-Сакькьаф акIубси сай Мадинализив 1972 ибил дуслизив, гIур бегIтачил варх Жиддализи гечиуб. Академическая...