СирхIяла бегIлара ахъти дубуртази мерладиубли сари Дахадаевла районна ДугIахъарла ад­ми­нистрациялизи кабурхуси СурсалабачIи ва Кьяр­ба­чIи­махьила администрациялизи кабурхуси ГIяяц­ци бикIути махьурби. Илди шимала ургаб дубуртала сирт лебли биалра, бахъал гъамти ва тухумти хIер­би­ру­ли саби кIелра махьилизиб. ГIябдуллагьла дудеш Шамил ГIяяц­ци­лизивадси сай, неш Муъминат — Сур­са­ла­бачIилизи­радси. Ил хъалибарглис хIер­биэс кьадарбиуб Къаякентла район­низибси Кьяр­ба­чIимахьила «Губа» бикIуси хъарахълизибра. Гьанна илис...

Сентябрьла 12-личиб Хайдакьла районна Мажалисла шилизиб, ДАССР акIахъубхIейчирад 100 дус дикнилис хасбарили, «Бизиси Хай­дакь» бикIуси хал­кьани-ургабси I-ибил фес­­тиваль дураберкIиб. Бал­буц ДР-ла халкьла ху­дожест­волати ваяхI дирнила ва туризмала шайчибси Ми­нистерствола икьай­чил Да­гъис­танна берклумала уст­на­ла Ассоциацияли ва «Хай­дакьла район» МР-ли дура­беркIибсири. Иличир Хай­дакьла районна бекI ГI.Те­мир­булатовли, ДР-ла ту­­риз­мала шайчивси министр Э.Мер­да­нов­ли, Хай­дакьла районна ХIурматла адам, ге­нерал-лейтенант А.По­нидел­кони,...

Ишди бурхIназир телефонна ВатсАп приложениелизир акIахъубти кьукьназир цализирад итиллизи дурхьути хьунул адамла тIамаличилти багьахънибани дахъал суалти акIахъуб. Илди кIел СМС-ли акIахъубти суалтас жавабти даргес къайгъибарира нушани. Хьунул адамла тIамаличил буруси багьахънилизиб цалра мар агара или бурасли, хатIа бетхIерар. СенкIун илини бурули саби, валлагь, «Сагаси закон дурабухъи саби» или, амма мурт ва сегъуна закон сабил бурули...

Хайдакьла някьишла уста Зубайдат ХIясановани коронавирусла чейхъуси изайчи къаршиси вакцина барахъес хайдакьланти жибариб: «ИшбархIила манзил де­бали къиянси саби. СенахIенну, нуша кIиэ­сил дус ил изай­чи къаршили дургъулра. Гьар бархIи са­гати къадагълуми пикридирули сари. Лерилра культурала шайчирти ва цархIилти далдуцуни дура­дур­кIес имкан агара». Дунъяличир эпидемияла шайчир кадиркути аги-кьяйда хIисаблизи касили, сунени, этноцентрла хIян­чи­зартани, хъалибаргли вакцина барахъниличилара гьанбушиб...

«Новый Дагестан» бикIуси жамигIятла организацияла руководитель СолтIанмяхIяммад Нартбиевли республикала ванза бузахъантас бузерилизиб кумекбарес дигнила къайгъи дакIубариб. Иличила гъай детаур «Дагестанская правда» газетала конференц-заллизир. С.Нартбиев журналистуначил гьуниваиб ва сунела пикрумачила аргъахъиб. Шила хозяйствола масани дурайантани чули сархибси сабухъ хасси багьаличил бирцес сегъуна хIянчи дураберкIес гIягIнисил буриб илини. С.Нартбиев проект гIямрулизиб бетурхахънила шайчиб бируси хIянчилизиб цархIилти жамигIятла...

Дагъистан Республикализиб сентябрьла 9-личибад 12-личи бикайчити бурхIназиб «Игитунала вахта» бикIуси проект бетурхули саби. Ил бяхIчиаибси саби, ВатIан балтахъантала гьунартала мисалличиб, нушала халкьла игитласи тарих машгьурбирниличи. Проектла мурад – Россияла Игитуначилси ихтилатла кумекличил, жагьилтазир ВатIайчи диги адикьни. Илала дазурбазир, Дагъистанна шагьуртазир ва районтазир РФ-ла Игитуначил гьунибаъниби детурхар. Илаб жагьилти ВатIа ишхIелила Игитуначил ва Россияла дявила тарихла...

«Разидешли дицIаб бурхIни, ляркьути,ИмцIабиаб адамти «Ма!» бикIути,Дебали камбиаб «Биха!» бикIути» ИкIди чедирти кал­мы­кунала поэт Да­вид Кугуль­ти­нов­л­а наз­мула тугъи зай­ду­хъа­хъун иш­ди бурхIназир ГI.Ба­ти­райла уличилси Дар­гала муз­ыкала-драмала теат­р­ли­зив узу­си ДР-ла урибси гIяр­тист Мухтар Ну­хIовли Гьал­магъ­дешла Юртлизиб ДР-ла Кон­ституцияла БархIилис хас­­ба­рили дура­буркIуси шад­лихъ­­личир. Ил бархIи ДР-ла БекI Сер­гей Меликовли чула хIян­­­чи­лизирти сархибдешуни багьан­дан гьабкья да­гъис­тан­ла­н­ти шабагъатлабирулри. Ил­да­­­ла­ къя­я­назив...

ХӀукуматли жагьилтала культура ахъбуцес ва, ­литератураличила, тарихличила имцӀали багьахъес ­багьандан, ­сагаси проект ­гьалабихьили саби. Ил проектлис «Пушкинна ­карта» бикIар. Сегъуна хӀянчи бирули илини?Сентябрьла 1-личибад бехӀбихьили, 14-личибад 22-личи ­бикайчити дусмала адамтани илгъуна карта абхьес бирар. Ил ­баркьудилизиб кумекли бетарар пачалихъла гIяхIдешунала сайт, «Госуслуги. Культура» бикӀуси программа телефоннизи ­кабатурли. Приложение абхьибхӀели, хасси карталичир (Пушкинна карта или сунес...

Ишди бурхIназиб, гьар дуслизиб кьяйдали, литературала «ЦIуба къургъала бурхIни» фестиваль бетурхули саби. Ил дявила майдунтачиб алхунти бургъанти ­гьанбикахъили, дурабуркIуси рухIлашалси байрам саби. Кабизахъурси саби ­Дагъистанна халкьла поэт Расул ХIямзатовли. ШягIир вебкIили гIергъи, фестиваль ил акIубси бархIиличил ­бархбасахъунси саби. Республикализи, Дагъистанна халкьла поэт Расул ХIямзатовла, Россияла декIар-декIарти регионтазибад ва дурала ­улкназибад поэтуни-писательти бакIили леб, илди далдуцуназир...

Ишдусла майличиб СМИ-бани адамтала ихтиюрти далтахънила масъулти баяндируси «В фокусе – права человека» бикIуси лебил Россияла конкурсличила багьахъурсири. Конкурс «Россияла журналис­тунала Союз» жами­гIят­ла организацияла ва РФ-лизир адамла ихтиюрти далтахънила шайчивси вакилла бекIдешлиуб дура­бур­кIуси саби.Конкурс бяхIчиаибси саби СМИ-бани адамла ихтиюрти дал­­тахънила масъулти тIинтI­дир­­­ниличи; пачалихъла ва мерличирти хIукуматла орган­ти адамла ихтиюртала ва азад­деш­ла хIурматбирахъес икьаладиъниличи; ихтиюрти далтахъути...