Дахадаевла районнизибадти 21 дурхIяли белчIуди “шула” кьиматуначил хъараахъур ва аттестатуни касили, гIямрулизиб мягIничебсигъуна ганз кацIес хIядурбиуб. Районна багьудила учрежениебала выпускникуназибадли 21 дурхIяли «БелчIудилизир хасти сархибдешуни багьандан» ибти медальти касни муниципалитетлизиб бучIантала багьудлумала даража гIяхIцадла гьалабяхI арбукьнилис бикьрили бетарули саби. Медальти сархес багьандан дурхIнани «отличноли» бучIули, лерилра предметуни ункъли дяркъурли школа таманаэс хIяжатси саби. Илала дурабадлира,...

Шагьарла парклизиб бамсриихъухIели, скамейкаличи дила мякьла кабиили чумал жагьил рурси лебри. Нушала ­гьалавадли гIяйсала кумекличил вашуси гьести гIямрула мурул адам шулумулхъухIели, илдани чехIеибсила гIердариб ва кайахъес мер акьухIебатур. Илдани кьалли чебиулри ил кайэс цархIил мер агни. ИлхIели ну аризурра, ва ил ухъна кайахъира. Илдигъунти багьадуртаниригу нушаб ишгъуна азадси ва ­даршуси дунъя калахъунси. Багьеслиригу ил дергъла...

ДР-ла Правительстволизиб вице-премьер ГI.ГIяб­дул­муслимовла бекI­дешлиуб чесабиуси Кьурбан-Бай­­рамлис хIядур­деш бирнилис хасбарибси за­се­да­ние бетерхур. Ил байрамлис Дагъистанна тах шагьарлизир ми­цIираг делгьахъес хIябал майдан далкьаахъурли ди­рар, районтазир биалли, вегIдешла азбар-гIяя пай­да­ла­диру. Иличил барх, вице-премьерли мицIираг адил­кьан­ти диъла багьни дурхъахIедирахъес жиба­риб. Илкьяйдали совещаниеличиб умудеш гIеб­бурц­нила тяхIяр-кьяйда дузахънила мягI­ни­чеб­деш­ли­чи­ла­, белгьунси мицIирагла диъла даража ахтар­ди­бир­ни­­личила буриб.

Дагъистан Республикала БекIла къуллукъуни за­маналис дузахъуси Сергей Меликовли, бу­сурмантала Кьурбан-Байрам дурабуркIниличил дархдасахъи, чеимцIали акьути, хIевзути бурхIни луг­ниличила ба­гьахъур. Дагъистанна халкьли хIябал бар­хIи бамс­ри­ихъу — июльла 18-личиб, 19-личиб ва 20-ли­чиб. Иличил барх, сут бархIи, июльла 17, бузерила бархIи сабливан, багьахъурли саби.Илкьяйдали республикала БекIли, ДР-ла Конс­ти­туцияла БархIи дурабуркIниличил барх­ба­сахъи, июльла 26-личиб акьуси бархIи бетарни­ли­чилара гьан­бушиб.

2020-ибил дус инсаният уркIиагарбиънила дусли бетаур. Дунъя кахси изайчил бяхIягиб, суненира мекелли халаси бяхъ ­чегахъибси. Илини гIяхIцад адамтала гIямру къябдердиб, бахъал адамти хIянчурби агарли калун. Коронавирусла чейхъуси изала гIяйбиубси манзил, ил се сабил, зягIипбикибтас сегъуна лечение бирусил хIебалули, тухтурти бачабархилри. Сагали дакIубухъунси изай нушала медицина илгъуна анцIбукьличи хIядурли хIебиъни чебаахъиб, амма халкь уржибти, кумекличи музабухъес...

65 дус ва имцIали биубти адамти хъулиб­ ­буахънила ­тяхIяр-кьяйда Дагъистаннизир июльла 31-личи бикайчи ­калахъесли барили саби. Илгъуна хIукму кьабулбариб къалабати масъултазиб бузуси штабла заседаниеличиб. Илди тяхIяр-кьяйда кадизахъуртири июньна 21-личир 14 бархIилис. Коронавирусла чейхъуси изайзи ­биркутала лугIи имцIабикIни багьандан, илди даимдарес ибси хIукму ­кьабулбариб. ГьанбиркахъехIе, июль базла гьаларти 6 бархIила бухIнабцун Дагъистанна ковид-госпитальтазиб 99 адам алхун....

Республикала чейхъути излумала шайчибси стационарлизиб арадеш къулайбирули саби биштIати дурхIначибад бехIбихьили 18 дусличи бикайчити гIямрула жагьилтани, ­илди-ургаб леб иза декIти асуртачилтира. Лебилра ­республикализибад ­коронавирусла чейхъуси иза декIти асуртала бегIти дурхIни ила бяхIбирути саби. РЦИБ-ла тухтуртала бузерилизир дурхIни ­берцахънила тамашала анцIбукьуначилра бяхIягиб. ГIергъиси ­замана хъалибаргунадли адамти больницализи кабиркьули саби. ДурхIнала декIти асурти дагьардулхъули сари ­чархла биркIанти...

Июльла 12-личиб Хайдакьла рай­он­­на адми­нистра­ция­лизиб поч­тала бархбасла отде­ле­­ниела хIянчизарти шаба­гъат­лабирнила балбуц бетерхур. Ил балбуцличи жибарилри бузерилизиб декIарбухъунти, дахъал дусмазир гIяхIцад хIян­чи дарибти.Илдас саламла дугьби ду­­рули, районна бекIла замес­титель Халитбек Халитбековли муниципалитетлис бекI­деш­дируси ГIялим Темирбу­ла­тов­ла, районна депутатунала ва сунела шайзибад илди са­ни­гIят­лашалси байрамличил уркIи-уркIилабад мубаракбариб.«Сецад нуша гьаладяхI дашули хьалли, почта – мурталра гъамтачил бархбасуни дузахъуси бегIлара...

Ишдусла июльла 10-личиб диркули сари цугли 5 дус, Дагъистанна по­ли­цейс­­кий­ли ДешлахIярла вацIа­лизиб че­бяхI­с­и игитдешла гьунар дура­бер­кIиб­хIей­чирад. Ил полицейский сайри 30 дус виубси МяхIяммад НурбяхIяндов. Савли сягIят шуличиб ДешлахIярла ва­цIализиб бизил гьанкIли бусути Мя­хIям­мадличи ва илала узбикьуртачи ха­­барагарли къачагъуни чебухъи, ил­дала някъби-кьяшми дигьунтири. Шел къачагълис къаршидеш че­би­ахъуси гъудурти журабазив цацали вирхI­­­­нила шайчирти абзанала Рос­сияла чемпион ГIябдурашид...

Нушала умматла гIямру илцадра къан­тIти сари, хIят­та нушала Идбагли (с.гI.в.) Кьия­­мала бархIила лишан­та­чила итхIелил бурибсири ва ил­ди лишанти сай мицIирли левалхIейчирад дакIудулхъес дехIдихьибтири.Балули кьяйда, хIядису­на­зибра бурибси Кьиямала бархIила ца лишан саби – жаниварти адамтала мезличил гъайдикIни. Иш анцIбукь ислам дин бегI гьалаб кабилзахъуси ман­зил Мадинала мякьлаб каби­кибси саби. Ца ГIяхIбан би­кIуси жугьутIли маза-мас гIяй­дикIахъулри. Хапли...