Нушала бургъантачила сецад лукIалра, илдачила гъайикIес сеналра хIемсар. Аргъ вайси яра гIяхIси хIебикIули, илди даим ВатIайс къарауйчибти гIяхIгъубзни саби.
Гьанна чумал дус Украинализиб дявила хасси балбуц бетурхули саби. Нушала уршби, узби, дудешуни ВатIан балтахъули, гьарли-марти дургъбазиб игитуни бетарули, дергъла майдайчир дебш кайсули, шандайчи шурбулхъули саби. Дирхулра, нушала гIяхIгъубзнани гъамси заманализир нуша разидирниличи, Чедибдешличил чула хъалибаргуначи чарбулхъниличи.
Наб ишаб цагьатIи игитличила хIушази бурес дигулра.
2022 ибил дусла сентябрьла 22-личив Къаякентла, Къарабудагъкентла ва Избербашла дявила комиссариатли ГIяб­дул­хIямид ГIябдулхаликьов дя­вилати къуллукъуни таман­да­рахъес живарибсири (мобилизация хIя­сибли).
Дявила хасси балбуцлизир чедаахъибти гъабзадеш ва ВатIайс мардеш багьандан, ургъан Суворовла уличилси медальличил шабагъатлавариб. Сунечи хъарти къуллукъуни чедетаахъили, асилдешличил бекIдирни багьандан биалли, Россияла Федерацияла оборонала Министерствола «Дявила хасси балбуцла бутIакьянчис» бикIуси медальличи лайикьикиб.
Илди шабагъатунани дявила масъулти ирзнилизир илала сай-вегIси гъабзадешлис, игитдешлис, цIакьлис ва чIумадешлис бикьридеш дирули сари.
Чедибдешра сархили, жяв-жявли хIела гъамтачи хъули чарухъаби, ГIябдулхIямид!
Нуша хIечи хIерлира!

ПатIимат ГIяхIмадова