Гьалабван Р.ХIямзатовла уличилси республикала Миллатла библиотекала край руркънила ва миллатла литературала отделлизибси адамти бучIахъес хасбарибси майдайчиб, Дагъиста культурала ва мезла БархIилис багъишлабарили, багьахънибачил тянишбирнила балбуц бетерхур.

Миллатла хасдешуначил жагали балкьаахъурси майдайчир баягъи отделла хIянчизар Салимат ХIяжиевала сари-регIси, хъулибси музейлизирадти тамашала экспонатуни, бекIахъудилизир пайдаладирути ваяхI гьаладихьилри.

Библиотекализи бакIибтани, Дагъиста пачалихъла университетла халкьани-ургабси багьудила факультетла ва Дагъиста пачалихъла технический университетла студентунани, преподавательтани, Каспийск шагьарла багьудила центрлизиб бучIути дурхIнани хайдакьла някьиш, балхъарла гачла матяхI, 18-19-ибти даршдусмала дубсила бекIахъудилизир пайдаладирути гIягIниахълуми, някъли диршибти чIянкIби, даргала жявхIелла кIана (гулменди), мячуйти, кабцла дабри (чарыки) ва дахъал цархIилти секIал халаси иштяхIличил хIердариб.

Илди лерилра миллатла искусствола давлуми сарливан, тарихлашал мягIничертира сари. Илкьяйдали илди хасдешуни Дагъистан Республикала миллатла театртанира пайдаладирули чедиур.

Выставка чебаэс бакIибтази Салимат ХIяжиевани музей акIнила тарихличила буриб, Дагъиста халкьла жявхIелла культура ва гIядатуни чедетаахъили сипатдариб.

Край руркънила ва миллатла литературала отдел