Зильбачила шилизивадси Камил МяхIяммадов «Дагъиста халкьла игит» ибси ахъси хIурматла уличи лайикьикиб. Илис мургьила зубари бедиб. Дагъиста халкьла гьалар диахъубти игитдешла баркьудлуми багьандан саби илис илгъуна мягIничебси шабагъат бедибси.

Бархьдешла гьуни буцили, гъабзадешличил гьалавяхI вашуси ил районна адамтасра бархкьябасра игитдешла мисалли ветаурли сай.

МяхIяммадовхъала хъалибарглизивад ВатIа хъархIерагардеш датахъес кьасбарибси Камилцун ахIен. ИшбархIилизир илала кIел узинира СВО-лизир бутIакьяндеш дирули сари. Ил улкалис мардеш дирнила чебяхIси лишанра саби.

Камил илгъуна хIурматла уличи лайикьикни Дагъиста халкьанала цадешла лишанни бетарули саби.

«Зильбачила шила жамигIятли пахрубирули саби илгъуна багьадурличи. Нуша дирхулра чеалкIуси наслулис илала игитти баркьудлуми мисалли детарниличи. Камил МяхIяммадовла игитдешла баркьудлумани нуша лерилра чедибдешуначи гьирдирулра», — бурули сай шила бекI ГIяхIмад ГIяхIмадовли.

Дахадаевла районна администрацияла пресс-служба