Хайдакьла районнизиб муниципалитетла бекI ГI.Темирбулатовла хъарбаркь хIясибли, Донбассла ва цархIилти азаддатахъурти областунала халкьлис кумеклис дархьес багьандан, ванати палтар дурчнила балбуц бехIбихьиб.
Ил балбуц дураберкIахъес районна собраниела депутат Анзор ГIяммаевличи хъарбариб. Хайдакьлантала жигарчердешличирли ца жумягIла духIнар диндиличибад бехIбихьили, курткабачи бикайчи, лерилра уди челгьути палтар булан илдани дучиб.
Октябрьла 10-личиб культурала Центрла гьала, кумеклис дархьес дучибти палтар кадихьибси мерличи халаси машина бархьиб ва лерилра иличи чедихьиб. Палтар ила чедихьес кумекбариб «Хайдакьла кумекчиби» бикIуси жагьилтала жамигIятла башрила кьукьялизибадти дурхIнани.
«ЦархIилтала къиян чулаван хIисаббирути лебилра адамти кумекла някъ гьабуцес хIядурли саби. Ил анцIбукьлизиб хайдакьлантира шайчиб кахIелун. Баркалла лебтасалра, ил балбуц гIеббуцнилис ва дирусигъуна кумекбарнилис», — викIи районна бекI.
«Хайдакьла район» МР-ла администрацияла пресс-служба
