Хайдакьла районнизир макьамти, нешла мез ва гIядатласи санигIят ца байрамлизир цаладикиб.
«Культура ва нешла мез – халкьла рухI» бикIуси балбуцличир культурала Центрла гIяртистунани пергер далуйти зайдухъахъун. Макьамтачил гьуниббалтуси программа нешла мез адам тарихличил, культураличил ва халкьла гIядатуначил вархвалсахъути хьулчназирад цали детарули диъни чебаахъиб.
Дебали тамашалатири устадешла дурсрира. «Кайтаги» этноцентрла устнани гIяхIли хайдакьла някьишличил ва кьямани жагадирнила бетуцличил тянишбариб. Илди бяхIчибизуназир хаслира чедиули сари Хайдакьла районна урхIмешули ахIенти лишанти: наслуличирад-наслуличи диути някьиш ва устадеш ишхIелла культурала гIямрула бутIали детарули сари.