Лавашала районнизибад дявила хасси балбуц бетурхуси мер-мусаличи цагьатIи кумек бархьиб. Муниципалитетла ад­министрацияла ва багьудила учреждениебала икьа­ла­личил къалабали пайдаладарести гIягIниахълумачилси кумек бу­чиб.
Районна собраниела депутатли ветаурси СВО-лизив алхунси ургъанна дудешли ил кумек гIягIнити мер-мусаличи баахъес ибси хIянчи чесиб. БурахIелли, илгъуна хъарбаркь илини чуйнара бетерхахъурли саби. Районна бекIла кумекчи Ислам МяхIяммадовличил ва багьудила управлениела начальник ГулбяхIянд ГIялибековличил илини лерилра секIал дучиб ва машиналичи хасси тяхIярли кадихьиб.
Ил анцIбукь Лавашала районна халкьла цадешлис, хIяжатси мерличиб адамти кумекбарес гьалакли биънилис бикьрили бетарули саби. Ил кумеклизи кадерхурти лерилра секIал пайдаладарести гIягIниахълумицун ахIенну, адамтала икьалала, уркIила ванадешла, чедибдешличи ва бургъантачи бирхаудила лишанни детарули сари. Лебтанилра цабиубли Чедибдеш гъамбикIахъули саби.