Ишди бурхIназиб тах шагьар­ли­зибси «Россия дила тарих» бикIуси тарихла парклизиб мил­латла политикала ва дин­на масъултала шайчибси Ми­нис­терствола икьалаличил, Рос­­сияла халкьанала Ассам­б­леяла регионна отде­ле­ние­ли «Халкьани цала­бир­хъу­си нас­лу» бикIуси мажлис дура­бер­кIиб.
Мажлис гьар дус дура­бур­кIуси саби. Илала бекI­ли­биуб­си мурадли бетарули са­би: чеалкIуси наслу ВатIайчи, саби акIубти мер-мусаличи, нешла мезличи дигичебти­ли абикьни ва адамти-ургабси уржибдеш имцIабиахъни. Мажлиcла да­зурбазиб «Халкь бахъал – ул­­ка ца» бикIуси конкурсра ду­­­­ра­­беркIибсири. Илар гьа­ла­­­дихьибти жу­ра-журала но­ми­на­циябазир декIар-де­кIарти дусмала адамтани бу­тIа­кьян­деш дариб. Гьаларти мерани ка­­сибти биалли, мажлисличиб ша­­ба­гъатлабариб.
Бахъал хIурматла гIяхIлани ва пачалихъла ведомствобала вакилтани илар бутIакьяндеш дариб.
Регионна бекIла шайчирад мажлисла бутIакьянчибас саламтала дугьби дуриб миллатла политикала ва динна масъултала шайчивси министрла къуллукъуни заманалис дузахъуси Темирлан АбутIалимовли. Да­гъис­та халкьла тамашала­си куль­тура нас­лубачибад-нас­лу­бачи ба­ахъес хIя­жат­ли биъни­личилара буриб. Иличи че, Т.АбутIалимовли Россияла халкь­­ла Ассамб­леяла регионна отделениела председатель Зик­рулла Ильясовли хала бегI­та­ла гIя­датуни, культура мяхI­кам­дир­нилизи, жагьилтас пат­риот бяркъ бедлугнилизи ха­ла­си пай кабирхьниличилара гьан­­бушиб.
Балбуцличиб илкьяйдали гъайбухъун: Дагъиста БекIла хIерудилиубси гьес­ти гIямрула адамтала Советла предсе­датель Иб­рагьим Ибрагьимов, ДР-ла Жа­ми­гIят­ла палатала пред­седатель Амирхан Мя­хIямм­аддадаев, академик ХIя­мид Бучаев ва цархIилти.
«Халкь бахъал – улка ца» бикIуси конкурслизиб гьалабикибтала лугIилизир нушала газетала риштIаси гьалмагъ – Кас­пийскла 3-ибил школала, хIябъибил классла ру­чIан Камила Рабазановара лерри. «Дагъиста мезани мяхI­кам­дарни ва гьа­ладяхI ардукни» бикIуси номенациялизиб илини 3-эсил мер касиб.
Мажлислизир халкьла далайчибани ва делхъла устнани бутIакьяндеш дариб. Шадлихъла аги-хIяйзиб ил бетерхур.