Ассаламу гIялайкум, дарганти!
ГIяхIцад даршдусмала замана нушала хала бегIтас дахъал гьужумти гIеладяхI дянгаэс ва душмантачи къаршили бургъес кьадарбиубсири.
Ца империяли чула чябхъинти тIашаалри, цархIил чебулхъусири. Лебтасалра дигутири дарганти лагъдешлизи буцес. Амма нушала хала бегIтани гъабзадешличил илдас къаршидеш дирутири. ЦацахIели гьарбизурдешличил, цацахIели биалли, халати детахълумачил…
Амма ишар гъай дургъбачила ахIенну, илдигъунти кьяркьти шуртIразиб нушала хала бегIтас секьяйдали хIербиэс имканбикIусирил иличила сари. Итди замунтазир гIяхIси даражала медицина агарсири, тамай хозяйство къелгIеббикести, вачар бузахъести шуртIри ва имканти лерти ахIенри. Гьайгьайрагу, илди вайтIа хIербирулри, имцIатигъунти анцIбукьуназиб, кьарличил ва сегъунти-биалра нергъличил гIямалбирули.
Кьанниван даршуси замана чебакIиб, нушала хала бегIтала гIямрула даража багьла-багьлали къулайбикIескабииб. Илцад кьяркьти ва къиянти замунтазиб илдас хIербиахъес се кумеклабирусири? Дила пикрили, цали ца гIеббурцни, икьалабирни, уржибдеш. Хала бегIтала хIял-тIабигIятлизибси ил къиликъли нушала халкь бебкIализибад уцахъутири. Илдигъунти баркьудлуми дурахIедуркIути диалри, хIурматла газета бучIанти, гьанна нуша хIедиэсра асубирусири…
Гьарилли сунела мякьлавсилис лебсилизибад пай бедлугусири: кьацIла, духълумала, палтарла. Илкьяйдали цалис цали кумекбирни дубурла шимазирти кьяркьти шуртIразиб, цализибад ца гьарахъли хIербирути адамтас дебали багаласи балбуцли бетарусири.
АхIерти дарганти!
Дила пикрумала духем ахирличи биркахъули наб гIергъиси пикри бурес дигахъаси. Нуша нушала хала бегIтала гьалар дебали халаси чеблалиурра. Нуша багьандан илдани рухIлашалти дебадеш, гъабзадеш ва кьурбандеш дакIударили сари. Илдала баркьудлуми иргъули, нушаб илдачила халаси баркаллаличил даим гьанбиркахъес ва илдала хIурматбирес чебиркур, илкьяйдали илдани бузахъули калунси цали цалис кумекбирнила, гIеббурцнила дурхъаси гIядатра даимбирули. Ил бегIлара кьиматласи баркьуди саби нушани гьанна дураберкIес дируси. Иличи че, цалис цали кумекбиресра нушачи чебси саби. Иличибли нушани сагаси наслулизира — нушала дурхIнази ва илдала баркьибтази асилси гIибрат чебаахъес дирехIе.
Ил багьандан, эгер «Замана» газетали хIушаб тIабигIятла газличил, шалаличил, шинничил ва гIямрула цархIилти бетуцуначил дархдасунти масъулти ирзнилизиб кумекбарес имканбикIули биалли, почтализирад нушачи дугьадизес дирудая. Нушани чараагарли хIушаб жаваб чарбалтехIе ва кумекбарес къайгъибирехIе!
Email: zamana@etnomediadag.ru
ГIябдуряхIман ИсмягIилов
