Урганила шилизивадси ХIяжиев МяхIяммад ГIямарович акIубси сай 1940 ибил дуслизив. Илини сунела бузерила гьуни бехIбихьиб гъал дусла гIямруличиб, педучилище таманбарили гIергъи. Школализив узули,  МяхIяммадзаочно учIес керхурсири Дагъиста пачалихъла университетла филологияла факультетлизи, ва 1971 ибил дуслизиб ил таманбариб. МяхIяммад ГIямарович дурхIначи дигичевли, бучIантази багьуди касахъес ва сунени кадирхьути дурсрачи иштяхI акIахъес къайгъилизив узусири. Ил 2024 ибил дус бикайчи сай акIубси шила школализив учительли узули калун.

МяхIяммад ХIяжиев ва илала гIямрула рархкья Аминат ДибирхIяжиева 60 дус барх хIербирули саби. Аминатра малхIямси, духуси, паргъатси, халкьличи дигичерси хьунул адам сари.

Илдани урегал урши-рурси абикьур, илдази чебяхIси даражала багьуди касахъиб, бяркъчебтили халабаахъиб, гIяхIсира вайсира декIарбирахъес бурсибарили, гIямрула гьунчи дураиб. Илдала вецIличибра имцIали дурхIнала дурхIнира леб. Гьанна илдас гIяхIси бяркъ бедес, илди абикьахъес биубсигъуна кумекбирули, вяшкабикIули саби.

ХIяжиевхъала хъалибарг Урганила шилизиб халаси хIурматличил пайдалабикIули саби. Илдигъунти хIурматла хъалибаргуни, цархIилтасра гIибратли детарар. Хъалибаргла, дигичебдешла ва мардешла БархIиличил мубаракдирулрая! ХIушала дурхIнала гIямрулизир гьарбизуни, даршуси челябкьла биаб, хIурматла хъалибарг разидешличил хIербиаб.

С.ГIябдуллаева