ГIяхIмад МяхIяммадов учIули сай Ахъушала урга даражала  цаибил школала 6-ибил класслизив. ГIяхIмад учIес гъира лебси, гIяхIти хIял-тIабигIятличилси, паргъатси, дурсрачи иштяхIличил лехIирхъуси урши сай. Ил багьандан ГIяхIмад школала шайзивад чумал Грамоталичил шабагъатлаварибси сай.  Илала спортличира халати диги лер. Урши кьанхIейубли, ургар кахIелахъи, чекайзурли тренировкабачи вашар.

Дурсрачивад акьуси замана, ил футболла хIязли виркьули вирар.

ГIяхIмад 2022 ибил дуслизив Ахъушала шила ГIинзимахьилизир дурадуркIути футболла шайчирти абзаназив хIябъибил мер буцни багьандан, ДЮСШ-ла директорла шайзивад Грамоталичи лайикьикибсири.

2024 ибил дуслизирра дахъал сархибдешуни дариб ГIяхIмадли. МухIела шилизир детурхути Ахъушала дурхIнала ва гIулухъабала спортла школани дурадуркIути мини-футболла шайчирти, ЧебяхIси ВатIа дергълизиб Чедибдеш сархнилис хасдарибти абзаназиб ГIяхIмадли кIиибил мер сархили, ДЮСШ-ла директорла шайзибад гьатIира Грамота касиб.

Ил дуслизир республикала кьадрила, мерла яргалис  «Школьная футбольная лига» бикIути, 6-ибти классунала бучIанти-ургар дурадуркIути футболла шайчирти абзаназиб  ГIяхIмадли цаибил мер касиб ва «Ахъушала район» МО-ла администрацияла багьудила управлениела начальникла шайзивад Грамоталичил шабагъатлавариб.

ГIяхIмадла чумал медальра лер, сарира гьаларти мераначи лайикьвиркнилис жура-журала организациябани дедибти.

Челябкьлализирра гьар шайчирад сархибдешуни дахъдикIаб, белчIудиличи ва спортличи дигира имцIадикIаб!

С.ГIябдуллаева