Къаякентла районна Первомайскла шилизивадси БяхIяммаев Шамил Кьурбанович сагадан пачалихъла чихъси шабагъатличи «ВатIа гьаларти къуллукъуни багьандан» орденна медальличи лайикьикиб.
Шамил – «Гъабзадешлис» бикIути кIел орденна кавалер сай.Илкьяйдали илала Суворовла уличилси ва «Гъабзадеш багьандан» медальти лер. Ш.БяхIяммаев дявила хасси балбуц бетурхути цаибти бурхIназивал, ВатIа гьалабси чебла асилдешличил ихъули, илав сай.
СВО-лизир дявила хъарбаркьуни тамандирухIели гъабзадеш дакIударни багьандан, ил пачалихъла чумра чихъти шабагъатличи лайикьвикибси сай. Илдани биалли бикьридеш дирули сари ургъанна нушала улкала хъархIерагардеш батахъес мурталра хIядурли виънилис.
Нушани илдигъунти цаванзалантачи пахрубирулра. Шамил БяхIяммаевлис чIумаси арадеш булгулра ва жяв-жявли хъули чарухъи дигулра!
Къаякентла районна администрацияла пресс-служба
