Санкт-Петербурглизиб ЧевяхIси Петрла уличилси политехнический университетлизиб ментальная арифметикала шайчирти Россияла абзани детерхур.
Илдазир бутIакьяндеш дариб улкала гъалцад шагьуртазибад пагьмучебти шуцIалицад гIулухъали. Илдани хIисабти ирзнилизир чула устадеш гьаргдариб.
Дагьрилашалси балбуцлизир гIяхIти хIясилти чедаахъиб Дагъиста вакилтанира, декIар-декIарти бяхIчибизуни хIясибли, чулира шуцIалицад медаль сархибти.
Чемпионатличир чихъти устадеш чедаахъиб Сагаси Къаякентла школала авъибил классла учIан Устархан Сатыбаловли.
«Устархан чедибдешличил мубараквирулра! Илис гьаннала гIергъира белчIудилизир гьарбизуни ва дагьрилашалси майдайчир гьатIира дахъал сархибдешуни дулгулра», — белцIи саби муниципалитетла бекIла Телеграм-каналлизиб.
Къаякентла районна администрацияла пресс-служба
