Гьалабван ­Сер­го­къа­­ла­ла район­на ­Сер­го­къа­ла­ла ши­ли­зиб республикала мил­­­латла далайла «МицIирти гIя­да­ту­ни» бикIуси фестиваль-кон­курс бе­тер­хур, сабира РСФСР-ла рурибси гIяр­тист­ка ва ­ДАССР-ла халкьла маш­гьур­си гIяртистка СултIанат Му­ртузагIялиевна Кьур­­банова гьан­рир­кахънилис хас­ба­рибси. Ил балбуц да­лайла искусство ди­гантас ва Дагъиста куль­ту­рала давла кьи­матлабирантас мягI­­­ни­чеб­си­ли бетаур.
С.Кьурба­новала у, Дагъиста музыкала лишан сабливан, адамтала уркIбазиб даимлис кавлан. Илини даргала далуйтицун ахIенрину машгьурдирути, республикала декIар-декIарти миллатунала мезаначил зайдикIахъути далуйтанира сунела пагьму чебирцIахъусири. Радиола Юртла архивлизир илала далуйтала 160 белкI лер, сарира рухIлашал давлачебси хазнали детаурти. СултIанат Кьурбановала тIамали ишхIелла манзилла далайчибала наслура уркIичеббирули саби.
Фестиваль-конкурслизир бутIакьян­деш да­риб Дахадаевла, Ахъушала, Лавашала, Хайдакьла ва Сергокъалала районтала, ил­кьяйдали Избербашла ва МяхIячкъала шагьуртала далайчибани. Лебтанилра «ми­­цIирси тIамаличил» халкьла музыкала гIягIниахълумала кумекличил далуйти зай­дул­хъахъулри. Иличибли макьамтала ва гIядатунала гьарли-марси байрамла гьав бетаурлири.
Конкурсла баянти хIясибли, декIар-де­кIарти номинациябазиб чедибикибтала уми белгидиуб. «Дила Дагъистан» би­кIуси номинациялизиб цаибил мер буциб ХIузаймат Ибрагьимовани (Ахъушала районна шайзирад бутIакьяндеш дарибси), кIиибил – Аминат Ибиевани (Хайдакьла район) ва Самера ГIямаровани (Дахадаевла район), хIябъибил – Кьурбан МяхIяммадовли (МяхIячкъала шагьар) ва Зугьра ХIямзатовани (Лавашала район). «Дила Чедибдеш» бикIуси номинациялизиб цаибил мер касиб ПатIимат Мажидовани (Дахадаевла район) ва Абакар Кьурбанадамовли (Ахъушала район), кIиибил – ПатIимат Пашаевани (Избербаш шагьар) ва Шарип МяхIяммадовли (Ахъушала район), хIябъибил – Хадижат МяхIяммадовани (Сергокъалала район) ва ХIява ГIялиевани (Хайдакьла район). «Дила Россия» бикIуси номинациялизиб цаибил мерличи лайикьрикиб Аминат Баркалаева (Лавашала район), кIиибил мерличи – МяхIяммад ХIяжиев (Лавашала район), хIябъибил мерличи — Айя ГIялишехова (Избербаш шагьар).
«МицIирти гIядатуни» бикIуси фес­тиваль-конкурс С.Кьурбановала хIур­мат­бир­нила балбуцлицун ахIи, Дагъиста му­зыкала культура мяхIкамбирнилизи ка­цIибси мягIничебси ганзлира бетаур.

ДР-ла культурала Министерствола ­республикала халкьла пагьмуртала Юрт