Къаякентла районнизир гьанна бусягIятла замана 14 609 тонна тIутIала сабухъ бучили саби. Ургабси лугIи хIясибли, ца гектарличибад 123 центнер бетарули саби. Иличила багьахъур муниципалитетла пресс-службализиб.

ГьанбуршехIе, районна шила хозяйствола управлениела специалистунани мерличирти хIянчи ахтардидирули сари. Ишди бурхIназиб илди «Каспий» бикIуси предприятиелизи бякьун ва иларти хIянчи ахтардидариб. Ца бригадирли буриливан, илар ца гектарла ванзаличибад 85 центнерла сабухъ бурчули саби.