РФ-ла Президент Владимир Путинни 2024 ибил дус хъалибаргла Дус сабливан багьахъурси ХIукму къулбасбариб, гIядатлати кьиматуни мяхIкамдарес ибси пикриличил.

Сергокъалала районна центральная библиотекализиб ишди бурхIназиб хъалибаргла Дус ибхьнилис хасбарибси балбуц бетерхур. Буралли, районнизир камли ахIен бахъал дурхIначилти хъалибаргуни. Илдазирад цацадехIти балбуцличира жидариб. Илкьяйдали лебри дявила хасси балбуцлизир бутIакьяндеш дирутала нешани ва хьунри.

Цалабикибтала гьалар гъайрулхъули, библиотекала директор З.ГIямаровани хъалибаргуни гIяхIцад дусмазир дебатили, балгундешлизир хIердирутили, цалис цали къуллукъбирутили ва бегIтала хIурматбирутили диубли дигни аргъахъиб. Халабиули, дурхIнани чула хъалибаргунира саби акIубти хъалибаргуначи мешутили детаахъес къайгъибирули бирар. Ил багьандан нушала дурхIнази хъалибаргла мягIничебдешличила ва дурхъадешличила иргъахъес чебиркур.

А.ХIяжиева, «ЦБС» МКУ-ла методист