Ишди бурхI­на­зиб нушала даргала жа­ми­­гIят­ла, респуб­ли­кала кьад­рила «Замана» газета 100 дус биуб.

Гьайгьайрагу, ил кам­си гьуни ахIен. Дарган­тала газета дурабулхъули саби 1921 ибил дусличибад. Ил дурабулхъули калун декIар-декIарти умачил: «Дагъистанна мух­­тарият», «Дарган», «Колхозла байрахъ», «Ленинна байрахъ», гьанна «Замана». Амма ил газетали гьа­чамалра сунени буцибси гьуни барсхIебариб: багьудлуми тIинтI­дирнила, рухIла культура ахъ­бурцнила, литературала, искусствола ва гIилмула кьялуби гьаладяхI дашахънила, халкьличил бархбасуни кадилзахънила шайчиб гьайбатли ганзбикIули.
Газетали дахъал пагьмуртас гьуни гьаргбариб. ГIядатла адамти, шимала зяхIматчиби, ба­гьудичебти адамти, спортс­менти, гIяртис­туни, писательти ва поэ­туни илис мурталра дигути гIяхIли саби. Ил газета ну­ша леб­тасалра рухIла давла бетаур. Де­бали давлачебси са­би даргала га­зетала тарих. Иш­бархIи биал­ли ил, бегIлара дурхъа­си гIяхIялван, гьарли-марси гьалмагъван, гIякь­лу-дагьрила гIинизван, даргантачи аби­цIули саби. Библиотекала хIянчизар сарливан, нунира гьар дурабухъунси газетала номер бучIули рирус.
Байрамличил хIуша мубаракдирули, дила белкIла ахирлизир газетала хIянчизартас уркIи-уркIиларадти чумал тугъ багъишладарес дигулра.
«Замана» газетала
Редакцияла агьлу,
МурхьбикIаб гьар мур­­тал­ра
ХIушала бугал пагьму.

Арадешра, шаддешра,
Дулгулра гIямрули­зир,
Разидеш каммабиаб
Гьар мурталра уркI­ба­зиб.